Glæður
| Glæður | ||||||||||||
|---|---|---|---|---|---|---|---|---|---|---|---|---|
 Veggjaglæða (X. parietina) í Suður-Þýskalandi.
| ||||||||||||
| Vísindaleg flokkun | ||||||||||||
|
Glæður (fræðiheiti: Xanthoria) er ættkvísl fléttna af glæðuætt. Glæður hafa blaðkennt þal sem inniheldur gula litarefnið parietín. Þannig er auðvelt að greina þær frá merlum sem hafa hrúðurkennt þal.[1]
Á Íslandi finnst aðeins ein tegund af glæðum, veggjaglæða (X. parietina). Áður voru fleiri ættkvíslir taldar til ættkvíslar glæða en nýlega hafa erfðafræðirannsóknir leitt í ljós að þær tilheyra öðrum ættkvíslum og þær hafa því verið greindar frá glæðum.[1] Á Íslandi eru fjórar tegundir sem áður flokkuðust til ættkvíslar glæða[2] en hafa nýlega verið greindar frá glæðum en bera enn heiti sem endar á -glæða. Þær eru klettaglæða (Rusavskia elegans), hellisglæða (R. sorediata), reyniglæða (Polycauloina polycarpa) og fuglaglæða (P. candelaria).[1]
Tilvísanir[breyta | breyta frumkóða]
- ↑ 1,0 1,1 1,2 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8
- ↑ Hörður Kristinsson & Starri Heiðmarsson (2009). Skrá yfir fléttur á Íslandi. Sótt þann 8. janúar 2019 af vefsvæði Flóru Íslands.
