Strom Thurmond

Strom Thurmond
Strom Thurmond árið 1961.
Öldungadeildarþingmaður fyrir Suður-Karólínu
Í embætti 24. desember 1954 – 4. apríl 1956
Forveri	Charles E. Daniel
Eftirmaður	Thomas A. Wofford
Í embætti 7. nóvember 1956 – 3. janúar 2003
Forveri	Thomas A. Wofford
Eftirmaður	Lindsey Graham
Fylkisstjóri Suður-Karólínu
Í embætti 21. janúar 1947 – 16. janúar 1951
Vararíkisstjóri	George Bell Timmerman Jr.
Forveri	Ransome Judson Williams
Eftirmaður	James F. Byrnes
Persónulegar upplýsingar
Fæddur	5. desember 1902 Edgefield, Suður-Karólínu, Bandaríkjunum
Látinn	26. júní 2003 (100 ára) Edgefield, Suður-Karólínu, Bandaríkjunum
Þjóðerni	Bandarískur
Stjórnmálaflokkur	Repúblikanaflokkurinn (1964–2003) Demókrataflokkurinn (til 1964)
Maki	Jean Crouch ​(g. 1947; d. 1960)​ Nancy Moore ​(g. 1968)​
Börn	3
Háskóli	Clemson-háskóli (BS)
Undirskrift

James Strom Thurmond (5. desember 1902 – 26. júní 2003) var bandarískur lögfræðingur og stjórnmálamaður.

Thurmond fæddist í bænum Edgefield í Suður-Karólínu í Bandaríkjunum. Hann stundaði nám í lögfræði við Clemson University. Thurmond barðist í seinni heimstyrjöldinni og var síðar kjörinn ríkisstjóri í Suður-Karólínu. Þrátt fyrir að hafa verið framsækinn sem ríkisstjóri, á meðal stefnumála hans var að auka fjárlög til menntunar svartra, sanngjörn laun fyrir konur og að setja þak á húsaleigu, þá var hann á móti mannréttindaáætlun Demókrata (Civil Rights Program). Það varð til þess að hann gekk út af flokksþingi flokksins árið 1948. Hann bauð sig fram til forseta fyrir hægri demókrata (Dixie-krata) í kosningunum það ár en tapaði að lokum með miklum atkvæðamun fyrir Harry S. Truman.

Thurmond varð öldungardeildarþingmaður fyrir Demókrata árið 1954 og var endurkjörinn árið 1956. Hann skipti síðan yfir í Repúblikanaflokkinn árið 1964 þar sem hann var endurkjörinn næstu áratugina og varð háttsettur innan Repúblikanaflokksins í suðurríkjum Bandaríkjanna.

Thurmond kom að því, ásamt öðrum öldungardeildarþingmönnum frá suðurríkjunum, að semja stefnuyfirlýsingu þar sem þeir hvöttu hæstarétt Bandaríkjanna til að snúa við dómnum um að opna skólana í landinu fyrir alla kynþætti. Hann varð þekktur fyrir meira en 24 tíma málþóf 28. ágúst 1957, þar sem hann talaði gegn hinum víðfrægu lögum sem voru samþykkt daginn eftir, þ.e. mannréttindalöggjöfin (1957 Civil Rights Act).

Thurmond talaði opinberlega gegn því að svartir fengu aðgang að stöðum þar sem hvítir vildu eingöngu fá að vera. Seinna meir áttaði hann sig á því að æ fleiri í hans kjördæmi voru svartir eftir að kosningarétturinn var færður á fleiri hendur.

Strom Thurmond er elsti maður sem hefur setið á öldungardeildarþingi en hann gegndi embætti til 100 ára aldurs.

Strom Thurmond lést 26. júní 2003. Það kom í ljós eftir andlát hans að hann hefði eignast dóttur með svartri konu á sínum yngri árum.