Silfurreynir
| Silfurreynir | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Blöð
 Þroskuð ber
| ||||||||||||||||||
| Vísindaleg flokkun | ||||||||||||||||||
| ||||||||||||||||||
| Tvínefni | ||||||||||||||||||
| Sorbus intermedia (Ehrh.) Pers. |
Silfurreynir (fræðiheiti Sorbus intermedia) er lauftré af rósaætt sem upprunnið er frá Skandinavíu og Eystrasalti. Tréð er einstofna eða margstofna tré með gildan stofn og breiða krónu sem verður allt að 15 metra hátt. Blómin eru hvít til gráhvít, mörg saman í 8-10 sm breiðum sveipum. Laufblöðin eru breiðegglaga og sagtennt.[1] Haustlitir eru gulir. Silfurreynir er talinn þola loftmengun í borgum betur en flestar aðrar trjátegundir og er því vinsæll sem götutré erlendis. Hann getur orðið allt að 200 ára gamall.
Á Íslandi
[breyta | breyta frumkóða]Silfurreynir er vinsælt garðtré á Íslandi. Elsta tré Reykjavíkur er silfurreynir sem staðsettur er í Fógetagarðinum við Aðalstræti. Hann var gróðursettur 1884 af Schierbeck landlækni .[2] Silfurreynir verður gjarnan fyrir haustkali á í uppvexti á unga aldri og verður þá kræklóttur ef ekki er passað upp á klippingu. Silfurreynir þarf frjósaman jarðveg og skjól í æsku.
Heimildir
[breyta | breyta frumkóða]- ↑ „Sorbus intermedia (Lystigarður Akureyrar)“. Afrit af upprunalegu geymt þann 15. ágúst 2020. Sótt 22. ágúst 2015.
- ↑ „Hvað heitir elsta tré á Íslandi og hvað er það gamalt?“. Vísindavefurinn.
