Robert Oppenheimer

Eðlisfræði 20. öld
Nafn:	J. Robert Oppenheimer
Fæddur:	22. apríl 1904 New York-borg, New York, Bandaríkjunum
Látinn	18. febrúar 1967 (62 ára) Princeton, New Jersey, Bandaríkjunum
Svið:	Fræðileg eðlisfræði
Helstu ritverk:	Zur Quantentheorie kontinuierlicher Spektren (1927)
Alma mater:	Harvard-háskóli (BA) Christ's College, Cambridge Georg-August-háskólinn í Göttingen (PhD)
Helstu vinnustaðir:	Kaliforníuháskóli í Berkeley Tækniháskólinn í Kaliforníu Los Alamos-rannsóknarstöðin Institute for Advanced Study
Undirskrift:

Julius Robert Oppenheimer (22. apríl 1904 – 18. febrúar 1967) var bandarískur eðlisfræðingur af þýskum gyðingaættum og yfirmaður vísindarannsókna við Manhattan-verkefnið, sem var sett á laggirnar í seinni heimsstyrjöldinni í því skyni að smíða fyrstu kjarnorkusprengjuna í Los Alamos-rannsóknarstöðinni í Nýju Mexíkó. Oppenheimer sem nefndur hefur verið „faðir atómsprengjunnar“ harmaði smíði kjarnorkusprengjunnar og eyðingamátt hennar eftir að hún var notuð á japönsku borgirnar Hiroshima og Nagasaki.

Þegar eyðingarmáttur sprengjunnar kom í ljós lét Oppenheimer eftir sér hin fleygu orð „Nú er ég Dauð­inn, eyð­ing­ar­afl heims­ins“ (e. Now I am become Death, the destroyer of worlds), sem er vísun í hindúaritninguna Bhagavad Gita. Árið 2023 kom út kvikmyndin Oppenheimer sem fjallar um störf Oppenheimer í tengslum við framleiðslu fyrstu kjarnorkusprengjunnar.