Rósa Björk Brynjólfsdóttir
| Rósa Björk Brynjólfsdóttir | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 | |||||||||||||||||
| Alþingismaður | |||||||||||||||||
| |||||||||||||||||
| Persónulegar upplýsingar | |||||||||||||||||
| Fædd | 9. febrúar 1975 Hafnarfjörður | ||||||||||||||||
| Stjórnmálaflokkur | Vinstrihreyfingin - grænt framboð (2013-2020)
Samfylkingin (2020-2024) Vinstrihreyfingin - grænt framboð (2024-) | ||||||||||||||||
| Maki | Kristján Guy Burgess | ||||||||||||||||
| Börn | 3 | ||||||||||||||||
| Æviágrip á vef Alþingis | |||||||||||||||||
Rósa Björk Brynjólfsdóttir (f. 9. febrúar 1975) er íslensk fjölmiðlakona og stjórnmálakona. Hún er fyrrum þingmaður Vinstrihreyfingarinnar - græns framboðs og Samfylkingarinnar. Rósa hefur starfað við fjölmiðla frá árinu 1999 og sem fjölmiðlafulltrúi fjármálaráðuneytisins á árunum 2010 til 2015. Rósa skipaði 2. sæti á lista Vinstri grænna í Suðvesturkjördæmi í Alþingiskosningum 2013 og var varaþingmaður á því kjörtímabili frá 2013. Haustið 2016 varð hún oddviti lista flokksins í Suðvesturkjördæmi og var kosin á þing í Alþingiskosningunum 2016.
Rósa er með BA-gráðu í frönsku og fjölmiðlafræði frá Háskóla Íslands og Université de Stendhal í Frakklandi.
Rósa æfði knattspyrnu með Breiðabliki og var í U17 landsliði kvenna 1990-1991.
Hún á þrjú börn og er í sambúð með Kristjáni Guy Burgess, sem var aðstoðarmaður Össurar Skarphéðinssonar utanríkisráðherra árin 2009-2013.
Rósa Björk sagði sig úr þingflokki Vinstri grænna þann 17. september árið 2020 vegna óánægju með stefnu stjórnar Katrínar Jakobsdóttur í málefnum flóttamanna og hælisleitenda.[1] Í desember sama ár gekk hún til liðs við Samfylkinguna.[2] Hún náði ekki á þing fyrir flokkinn í alþingiskosningunum 2021 og gengi því varaþingmennsku fyrir Samfylkinguna frá 2021 til 2023.
Fyrir alþingiskosningarnar 2024 gekk hún aftur til liðs við Vinstri græna og fór á lista þeirra.
Tenglar
[breyta | breyta frumkóða]- Upplýsingar um þingstörf Rósu á vef Alþingis.
- Upplýsingar um Rósu á vef Vinstri grænna Geymt 2 júlí 2013 í Archive.today.
- Mótalisti Rósu hjá KSÍ.
- „Rósa Björk og Kristján eignuðust stúlku,“ mbl.is, 17. ágúst 2013
- Vinstri flokkarnir „í eina sæng,“ ruv.is, 23. september 2015.
Tilvísanir
[breyta | breyta frumkóða]- ↑ Alexander Kristjánsson (17. september 2020). „Dapurlegt að VG hafi ekki náð meiru fram“. Sótt 18. september 2020.
- ↑ Rósa Björk gengin til liðs við Samfylkinguna Rúv, skoðað 16. des. 2020