Nebojsa Knezevic

Úr Wikipediu, frjálsa alfræðiritinu
Jump to navigation Jump to search
Upplýsingar
Fullt nafn Nebebojša Knezević
Fæðingardagur 21. febrúar 1987
Fæðingarstaður    Melenci, Serbía
Hæð 196 cm
Þyngd 85 kg
Leikstaða Leikstjórnandi
Núverandi lið
Núverandi lið Vestri
Númer 9
Meistaraflokksferill1
Ár Lið
2010-2011
2011-2014
2014-2016
2015
2016-
KFÍ
Proleter
KFÍ
KFÍ-b
Vestri
Þjálfaraferill
2017- Vestri (aðstoðarþjálfari)

1 Meistaraflokksferill
síðast uppfærður 12. janúar 2019.

Nebebojša Knezević (fæddur 21. febrúar 1987 í Melenci, Serbíu) er serbneskur körfuknattleiksmaður sem spilar fyrir Vestra í 1. deild karla.

Ferill[breyta | breyta frumkóða]

Hann lék fyrst á Íslandi tímabilið 2010-2011 með Körfuknattleiksfélagi Ísafjarðar (KFÍ) í Úrvalsdeild karla þar sem hann var með 14,6 stig og 4,5 fráköst í 22 leikjum. Eftir að tímabilinu lauk gekk hann til liðs við Proleter í serbnesku efstu deildinni.[1]

Hann gekk aftur til liðs við KFÍ haustið 2014[2] og var hann einn besti leikmaður 1. deildarinnar á tímabilinu en hann leiddi deildina í skotnýtingu og stolnum boltum auk þess að vera í topp 10 í stigaskorun, stoðsendingum og framlagsstigum. Mest skoraði hann 43 stig í sigurleik á móti Breiðablik en hann braut 40 stiga múrinn tvívegis og var með 24,7 stig að meðaltali í leik í deildinni.

Hann leiddi KFÍ aftur í stigaskorun tímabilið 2015-2016 með 18,8 stigum auk þess sem hann tók 6,7 fráköst og gaf 3,4 stoðsendingar þrátt fyrir að spila einungis um 24 mínútur að meðaltali í leik. Mest skoraði hann 32 stig í einum leik, en það gerði hann tvívegis og bæði skiptin á móti Ármanni frá Reykjavík.

Tímabilið 2016-2017 deildi hann spilatíma með bandaríkjamanninum Yima Chia-Kur en endaði aftur stigahæstur í liðinu með 18,7 stig að meðaltali í leik auk þess sem hann tók 7,9 fráköst að meðaltali.[3][4]

Eftir að hafa verið búsettur í 3 ár í röð á Íslandi, þá taldist Nebojsa ekki lengur sem erlendur leikmaður samkvæmt reglugerð KKÍ og þurfti því ekki lengur að deila spilatíma með öðrum erlendum leikmanni. Mínútufjöldi hans jókst til muna og lék hann að meðaltali rétt undir 38 mínútum að meðaltali í 27 leikjum í deild og úrslitakeppni. Leiddi hann Vestra í stigaskorun með 23,7 stig ásamt því að leiða 1. deildina með 7,3 stoðsendingum að meðaltali í leik.[5]

Í ágúst 2018 skrifaði hann undir 3 ára framlengingu á samningi sínum við Vestra.[5] Þann 16. desember 2018, skoraði hann 36 stig í óvæntum sigri Vestra á Úrvalsdeildarliði Hauka í Bikarkeppni KKÍ.[6]

Tilvísanir[breyta | breyta frumkóða]

  1. „Nebebojša Knezević košarkaš i trener uživa na Islandu". sportinfo.rs. 7. ágúst 2017. Skoðað 12. janúar 2019.
  2. „Nebojsa Knezevic á leið heim til KFÍ". Vestri.is. 11. september 2014. Skoðað 12. janúar 2019.
  3. Vestri 1. deild karla (2017 tímabil)
  4. „Nebojsa semur við Vestra". BB.is. 21. apríl 2017. Skoðað 12. janúar 2019.
  5. 5,0 5,1 „Körfuknattleiksdeild Vestra semur við Nebojsa". BB.is. 1. ágúst 2018. Skoðað 12. janúar 2019.
  6. Bjarni Þórarinn Hallfreðsson 15. desember 2018, „Fyrstu deildarlið Vestra sló út deildarmeistara Hauka". Vísir.is. Skoðað 12. janúar 2019.

Heimildir[breyta | breyta frumkóða]

  Þetta æviágrip sem tengist körfuknattleik er stubbur. Þú getur hjálpað til með því að bæta við greinina.