Kvikmyndaskóli Íslands
 |
Heimildir skortir fyrir staðhæfingum í þessari grein. Ef þú vilt bæta við heimild vinsamlegast bættu þeim við undir nýrri fyrirsögn („Heimildir“) eða skildu eftir athugasemd á spjallsíðunni. |
Kvikmyndaskóli Íslands er íslenskur skóli þar sem hreyfimyndagerð fyrir ýmsa miðla er kennd. Skólinn er einkaskóli og var stofnaður 1992. Fram að 2000 voru þó einvörðungu haldin námskeið í nafni skólans en hann starfaði ekki sem slíkur. Skólinn er í eigu Rafmennts. Rektor er Þór Pálsson.
Árið 2002 flutti skólinn í fyrrverandi húsnæði Sjónvarpsins við Laugaveg. Þar er myndver og betri aðstaða til kennslu og náms en skólinn hafði áður haft. Skólinn fékk viðurkenningu frá menntamálaráðuneytinu 2003 til að starfa á framhaldsskólastigi. Þá var hægt að bjóða upp á tveggja ára heildstætt nám og útskrifuðust fyrstu nemendurnir í febrúar 2005. Skólinn tekur inn 15 nemendur á hverja braut á önn. Inntökuskilyrði er stúdentspróf eða sambærileg menntun.
Skólinn er staðsettur í Vatnagörðum 4, í húsi Stúdíó Sýrlands.
Skólinn býður upp á nám á fjórum sérsviðum
- Leikstjórn og framleiðsla
- Skapandi tækni
- Handrit og leikstjórn
- Leiklist
Í mars 2025 var rekstrarfélag skólans tekið til gjaldþrotaskipta.[1] Síðan í apríl 2025 tók Rafmennt yfir rekstur skólans.[2]
Tilvísanir
[breyta | breyta frumkóða]- ↑ „Kvikmyndaskólinn í gjaldþrotameðferð: Allt kapp lagt á að ljúka misserinu“. Morgunblaðið. 24. mars 2025. Sótt 24. mars 2025.
- ↑ „Rafmennt kaupir Kvikmyndaskólann“. www.mbl.is. Sótt 25 júní 2025.
