Þjóðsaga

Holgeir danski er sagnapersóna sem kemur fyrst fyrir í frönskum riddarasögum. Hann er sagður sofa undir Krúnuborgarhöll og muni vakna upp þegar Danmörk er í hættu.

Þjóðsaga er stutt saga sem hefur gengið í munnmælum frá manni til manns um nokkurt skeið; stundum öldum saman og stundum í nokkur ár eða áratugi. Þjóðsögur eru oft litaðar af aldarfari, þrám og ótta almennings og bera oftar en ekki keim af búháttum og málfari þess tíma og stundum einnig málsniði þeirra sem segja þær. Þeim er stundum skipt í eftirfarandi grunnflokka (upphaflega frá Grimmsbræðrum):

• Sagnir, sögur af atburðum sem eiga að hafa gerst
• Ævintýri, sem ekki eiga sér stoð í raunveruleikanum og fjalla oft um yfirnáttúrulegar verur
• Goðsögur, sem eiga sér rætur í trú manna og fjalla um guði og gyðjur

Tegundir þjóðsagna eru þó mun fleiri og oft erfitt að fella þær undir þessa þrjá flokka. Dæmi um munnmælasögur eru til dæmis hlutar dýrlingasagna, dæmisögur, brandarar, draugasögur, upprunasagnir og sköpunarsagnir, lygasögur og flökkusögur.

Tenglar

• „Þjóðsögurnar“; grein í Morgunblaðinu 1971
• „Þjóðsagan og barnið“; grein í Lesbók Morgunblaðsins 1996

  Þessi menningargrein er stubbur. Þú getur hjálpað til með því að bæta við greinina.