Karl Guðmundsson

Karl Guðmundsson (f. 28. ágúst 1924 d. 3. mars 2014) var íslenskur leikari, þýðandi og skemmtikraftur.

Karl útskrifaðist sem stúdent frá Menntaskólanum í Reykjavík árið 1944 nam við Handíða- og myndlistaskólann. Hann útskrifaðist frá Royal Academy of Dramatic Art í Lundúnum árið 1952 og var síðan mestalla starfsævi sína hjá Leikfélagi Reykjavíkur. Lék hann í um það bil 100 leikverkum en tók einnig þátt í sýningum hjá Þjóðleikhúsinu, Grímu, Leiksmiðjunni og Nemendaleikhúsi LÍ. Þá lék hann og las upp í Ríkisútvarpinu um árabil. Karl varð fljótt landsþekkt eftirherma og skemmtikraftur. Líkti hann eftir samtíðarmönnum sínum, einkum stjórnmálamönnum. Meðal þeirra sem hann hermdi eftir má nefna þá Halldór Kiljan Laxness og Bjarna Benediktssyni eldri. Karl lék í nokkrum kvikmyndum síðustu árin, og má þar nefna myndirnar Brúðgumann, Sveitabrúðkaup, Punktur punktur komma strik og Foreldrar.

Karl var þýðandi og orðsnillingur en hann þýddi á ævi sinni mörg leikrit og ljóð. Listinn yfir þá höfunda sem Karl þýddi er langur, en þar má meðal annars nefna þá Aristófanes, Seamus Heaney, Federico García Lorca, Moliére og Ionescu. Fyrir jól 2013 kom út á prenti þýðing Karls á leikritinu Morð í dómkirkju eftir T. S. Eliot. Þýðingar Karls á ljóðum birtust oft í Lesbók Morgunblaðsins. Einnig starfaði Karl við leikstjórn og kennslu.

Ferill í kvikmyndum og sjónvarpsþáttum

Ár	Kvikmynd/Þáttur	Hlutverk	Athugasemdir og verðlaun
1969	Áramótaskaupið 1969
1974	Áramótaskaupið 1974
1975	Áramótaskaupið 1975
1976	Áramótaskaupið 1976
1981	Punktur punktur komma strik	Axel kennari
1985	Hvítir mávar	Magnús Kjartansson
1986	Stella í orlofi	Læjónsklúbburinn Kiddi
1987	Skytturnar	Bílstjóri á Volvo

Tenglar

• Karl Guðmundsson á Internet Movie Database

  Þetta æviágrip sem tengist leikurum og Íslandi er stubbur. Þú getur hjálpað til með því að bæta við greinina.