Jürgen Klopp

Jürgen Klopp í ágúst árið 2019.

Jürgen Norbert Klopp (fæddur 16. júní 1967 í Stuttgart) er þýskur knattspyrnuþjálfari og fyrrverandi leikmaður. Síðan árið 2015 hefur hann þjálfað enska stórliðið Liverpool F.C..

Sem knattspyrnumaður spilaði hann m.a. hjá Eintracht Frankfurt II (1987–1988) og 1. FSV Mainz 05 (1990–2001).

Í febrúar árið 2001 var hann ráðinn til starfa hjá Mainz 05. Sjö árum seinna, árið 2008, var hann ráðinn til Borussia Dortmund og þann 8. október 2015 var hann ráðinn sem knattspyrnustjóri hjá Liverpool FC. Árið 2021 varð hann sá stjóri félagsins sem komst fljótast upp í 200 sigra. Keppni eða rígur milli Klopps og Pep Guardiola hefur verið áberandi en Manchester City hefur t.d. att kappi við Liverpool í úrvalsdeild, deildarbikurum og Meistaradeild Evrópu.

Klopp framlengdi samning sinn við Liverpool til 2026 vorið 2022.

Titlar

Liverpool

• Meistaradeild Evrópu (1): 2018/19
• Evrópski ofurbikarinn (1): 2019
• HM félagsliða: (1) 2019
• Enska úrvalsdeildin (1): 2019-2020
• Enski deildabikarinn: 2022
• Enski bikarinn: 2022

Borussia Dortmund

• Bundesliga (2): 2010/11, 2011/12
• Þýski bikarinn (1): 2011/12
• Ofurbikarinn(2): 2013, 2014

Tilvísun

• Jürgen Klopp profile, liverpoolfc.com (á ensku)