Hellsing OVA I

Úr Wikipediu, frjálsa alfræðiritinu
Hellsing OVA I
Skapari:Kouta Hirano
Fram koma:Alucard, Seras Victoria, Integra Hellsing, Walter C. Dornez og Alexander Anderson
Höfundar:Tomokazu Tokoro og Kouta Hirano (handritshöfundur)
Fjöldi þátta:Ekki komið fram
Lengd þáttar:50 mínútur
Kóði þáttar:01
Þáttur sýndur:10. febrúar, 2006
Manga örk:Bók eitt
Kafli:001-006


Hellsing I er fyrsti OVA þátturinn sem er byggður á Hellsing. DVD diskurinn var fyrst gefinn út í Japan þann 10. febrúar 2006.

Söguþráður[breyta | breyta frumkóða]

Integra verður meistari Alucards[breyta | breyta frumkóða]

Fyrsti OVA-þátturinn fylgir fyrstu Hellsing mangabókinni. Hann byrjar á því að faðir Integru Hellsings deyr þegar hún er aðeins þrettán ára gömul. Hún erfir Hellsing samtökin, en frændi hennar Richard Hellsing sem hafði ætlað sér að erfa Hellsing reynir að koma henni fyrir kattarnef. Hún kemst að ráðabruggi Richards og fylgir ráðum föðurs síns og skríður í gegnum loftræstigöngin að kjallara Hellsings. En Richard finnur hana og eltir hana niður í kjallarann með tveimur vörðum. Hann skýtur Integru í öxlina en Alucard vaknar við að blóð Integru lendir á jörðinni og byrjar að sleikja það upp. Eftir það drepur Alucard Richard Hellsing og undirmenn hans.

Atvikið í Cheddar[breyta | breyta frumkóða]

Mörgum árum seinna skýtur vampíra upp kollinum í litlum smábæ sem heitir Cheddar. Lögreglan er send á svæðið en allt lögregluliðið er étið af þrælum vampírunnar (uppvakningum) með einni undantekningu: Ung lögreglustúlka að nafni Seras Victoria komst lífs af og reyndi að flýja. Á flóttanum nær vampíran, sem hafði dulbúið sig sem prestur, henni og ætlar að drekka blóð hennar til að gera hana að þræli sínum. Þegar foringi Hellsing samtakanna, Sir. Integra Hellsing, gerir sér fyrir að lögreglan ráði ekki við þetta mál og liðsaukinn sem sendur var á svæðið verði bara að mat uppvakninganna ákveður hún að senda leynivopn Hellsings: Alucard.

Seras Victoria og vampíran.

Þegar „presturinn“ er að fara að bíta Seras mætir Alucard og skýtur alla þræla hans. Presturinn reynir að semja við Alucard um að leyfa þessu máli bara að vera og að þeir haldi báðir sína leið en Alucard fellst ekki á það. Þá ber presturinn Seras fyrir sig og notar hana sem gísl þannig að ef Alucard ætli sér að skjóta prestinn verði hann að skjóta Seras líka. Vegna þess að það er verkefni Alucards að bjarga öllum mannverum á svæðinu heldur presturinn að hann sé öruggur. Alucard spyr Seras hvort hún sé hrein mey, en aðeins skírlíft fólk getur orðið að vampírum. Hún svarar játandi og þá skýtur Alucard prestinn beint í hjartastað en hæfir Seras í lungað. Alucard krýpur við Seras þar sem hún liggur dauðvona og spyr hana hvort hún vilji lifa. Hún svarar því játandi og hann bítur hana á háls og sýgur blóð hennar. Seras er núna orðin vampíra og gengur í lið með Hellsing.

Anderson Vs. Alucard[breyta | breyta frumkóða]

Fyrsta verkefni hennar með Alucard er að eyða tveimur ungum vampírum sem drepa sér til skemmtunar. Annað verkefnið er að berjast við uppvakninga, en í miðju verkefninu birtist séra Alexander Anderson, útsendari Vatíkansins, og reynir að drepa Alucard. Integra fréttir að Vatíkanið hafi rofið friðarsáttmálann sem ríkti þeim á milli og þýtur af stað til að stöðva Anderson en á meðan berjast Andersson og Alucard í bardaga sem endar með því að Alucard er hálshöggvinn.


Þegar Anderson þykist vera búinn að drepa hinn mikla Alucard snýr hann sér að því að drepa Seras en Integra stöðvar hann. Þá lífgar Alucard sig við og særir Anderson illa. Anderson gerir sér grein fyrir að hann muni ekki sigra í þetta skiptiðflýr af hólmi en bendir samt á að næsta skipti sem þeir hittist verði blóðbað. Integra ræðir stutt við Alucard, sem endar með því að hún kallar hann „greifa“. Það er ein margra tilvísana í að Alucard sé Dracula.


Fyrsti OVA þátturinn fylgir fyrstu Hallsing mangabókinni sem fjallar um það þegar Seras er breytt í vampíru, þegar persónurnar eru kynntar til leiks og fyrsta bardagann við föður Alexander Anderson.

Munir á bókinni og þáttunum[breyta | breyta frumkóða]

Einhver munur er á bókinni og þættinum en hann er ekki mikill. Dæmi um slíkt er:

  • Draumurinn Serasar [1] var gerður undir chibi áhrifum en það var ekki þannig í manganu.

En OVA-ið víkur ekki eins langt frá upprunalegu sögunni og Hellsing sjónvarpsserían og notast líka meira við brandara og skopskyn ólíkt þáttunum.

Annað[breyta | breyta frumkóða]

  • Upphaflega hét fyrsti þátturinn „Hellsing: Digest for Freaks“ en var óvart kallaður „Hellsing: Digest for Fleaks“.

Persónur sem koma fyrst fram[breyta | breyta frumkóða]


Fyrrum þáttur Hellsing (OVA) Næsti þáttur
Ekki til Hellsing II
Hulstursmyndir Hellsing OVA I
Venjuleg útgáfa Takmörkuð útgáfa

Heimildir[breyta | breyta frumkóða]

  1. manga; hellsing Volume 1.