Flugeldar

Flugeldar (eða rakettur) eru þrýstiknúin blys sem skotið er á loft til skrauts eða til að gefa merki (sbr. neyðarblys). Flugeldar eru aðallega framleiddir í Kína, en voru uppgötvaðir á Indlandi. Flugelda er fyrst getið í rituðum heimildum kringum árið 1200, en í upphafi voru þeir notaðir til að fæla burt illa anda og til að biðja guðina um gæfu og hamingju.

Fyrsta flugeldasýning sem haldin var á Íslandi svo sögur fari af var í Kópavogi 28. júlí 1662 eftir erfðahyllinguna á Kópavogsfundinum. Þessa var minnst 350 árum síðar 28. júlí 2012 með flugeldasýningu á vegum Sögufélags Kópavogs.

Helsti söluaðili flugelda á Íslandi eru björgunarsveitarnar, en líka íþróttafélög. Önnur félög og einkaaðilar hafa einnig selt þá.

Flokkun flugelda

Flugeldum er skipt eftir hættu flokkum og eru flokkar T2, P2 og F4 ekki ætlaðir almenningi. Vörur í flokkum F1, F2, F3, P1 og T1 eru ætlaðar almenningi en geta þó verið skorður á hvaða vörur má selja í þeim flokkum og fer það eftir lögum um skotelda á tilteknum stað/landi.

Eitt og annað

• Stærsta einstaka flugeldasýning sem haldin hefur verið var á Madeiru, þann 31. desember árið 2006, en þá var 66.326 flugeldum skotið á loft.

Tenglar

• „Hvernig komast flugeldar á loft og af hverju verða þeir grænir, gulir og rauðir þegar þeir springa?“. Vísindavefurinn.
• 1500 ára gömul saga; grein í DV 1991
• Saga flugeldanna; grein í Fréttablaðinu 2005
• Flugeldar í tvö þúsund ár; grein í Fréttablaðinu 2008

  Þessi grein er stubbur. Þú getur hjálpað til með því að bæta við greinina.