Samstarfssjóður um orku og umhverfi í suður- og austurhluta Afríku

EEP Africa er fjárvörslusjóður á vegum Norræna þróunarsjóðsins.

Samstarfssjóður um orku og umhverfi í suður- og austurhluta Afríku (e. The Energy and Environment Partnership, EEP Africa) er fjárvörslusjóður sem rekinn er af Norræna þróunarsjóðnum. Hann styður við verkefni sem auka aðgengi að endunýjanlegri orku, þróun slíkra orkugjafa og fjárfestinga á því sviði, með sérstakri áherslu á fátæka, viðkvæma og afskipta hópa.

Frá stofnun árið 2010 hefur sjóðurinn haft að leiðarljósi framtíðarsýn um loftslagsbreytingaþolna og kolefnislausa framtíð. Sjóðnum er ætlað að styðja við Parísarsamkomulagið um loftslagsbreytingar og sjálfbærnimarkmið Sameinuðu þjóðanna (SDG).

Framkvæmd

Veittir eru styrkir til verkefna á frumstigi nýsköpunar, tækni og viðskiptaáætlana í 15 ríkjum í Suður- og Austur-Afríku. Á árunum 2010—2020 fjárfesti EEP Africa um 50 milljónum evra í 250 frumkvöðlaverkefnum. Sjóðurinn er rekinn af Norræna þróunarsjóðnum í samvinnu við Austurrísku þróunarstofnunina (ADA) og finnska utanríkisráðuneytið.

Sterk áhersla Norræna þróunarsjóðsins hefur skilað sér í lánastarfssemi og styrkveitingum til orkuverkefna í Afríku. Þannig eru 42 prósent orkuverkefna sem EEP Africa sjóðurinn hefur styrkt, undir leiðsögn afrískra kvenna.

Ríki sem geta notið stuðnings

Samstarfssjóður fjármagnar verkefni í eftirtöldum ríkjum: Búrúndí, Esvatíní, Kenía, Lesótó, Malaví, Mósambík, Namibía, Rúanda, Tansanía, Úganda, Sambía, Seychelleseyjar, Simbabve, og Suður-Afríka. Að auki hafa verið styrkt svæðaverkefni sem ná yfir nokkur lönd.

Tenglar

• Enskur vefur Samstarfssjóðs um orku og umhverfi í suður og austur Afríku (EEP Africa).
• Norræni þróunarsjóðurinn
• Enskur vefur NDF.
• Kynning Johanna Zilliacus verkefnastjóra EEP Africa á fundi Íslandsstofu 31. maí 2018: Fast tracking clean energy acces and green growth^{[óvirkur tengill]}
• Íslenskur vefur um Norrænt samstarf á vegum Norðurlandaráðs og Norrænu ráðherranefndarinnar.
• Norræna ráðherranefndin