Demókrataflokkurinn (Ítalía)

Úr Wikipediu, frjálsa alfræðiritinu
Jump to navigation Jump to search
Demókrataflokkurinn
Partito Democratico
Veltroni in Trento.jpg
Formaður Nicola Zingaretti
Stofnár 14. október 2007
Höfuðstöðvar Via Sant'Andrea delle Fratte 16
00187 Róm
Stjórnmálaleg
hugmyndafræði
Félagslýðræði, evrópismi
Einkennislitur Rauður     
Sæti á fulltrúadeild
Sæti á öldungadeild
Vefsíða http://www.partitodemocratico.it

Demókrataflokkurinn eða Lýðræðisflokkurinn (ítalska: Partito Democratico) er stjórnmálaflokkur á Ítalíu sem stofnaður var 2007.

Meðan á 15. löggjafarþingi Ítalíu stóð var Demókrataflokkurinn hluti af annarri ríkisstjórn Romano Prodi. Prodi hafði unnið sigur í þingkosningum árið 2006 ásamt Einingarbandalaginu, kosningabandalagi vinstriflokka sem taldi til sín Ítalska vinstri-lýðræðisflokkinn, forvera Demókrataflokksins. Demókrataflokkurinn var stofnaður eftir sigur Einingarbandalagsins sem samruni aðildarflokka kosningabandalagsins í viðleitni til þess að sameina ítalska vinstriflokka í einn miðvinstriflokk.

Demókrataflokkurinn bað ósigur fyrir miðhægribandalagi Silvio Berlusconi í þingkosningum árið 2008 og gekk í stjórnarandstöðu. Í nóvember árið 2011 veitti Demókrataflokkurinn nýrri ríkisstjórn Mario Monti þingstuðning eftir hrun ríkisstjórnar Berlusconi. Bandalag miðvinstriflokka vann sigur í þingkosningum árið 2013. Demókrataflokkurinn varð stærsti flokkurinn á ítalska þinginu og leiddi þrjá ríkisstjórnir á næsta þingtímabili, undir forystu Enrico Letta, Matteo Renzi og Paolo Gentiloni.

Demókrataflokkurinn tapaði þingkosningum árið 2018 og gekk í stjórnarandstöðu á ný. Eftir að ríkisstjórn Fimmstjörnuhreyfingarinnar og Norðurbandalagsins hrundi í ágúst árið 2019 stofnaði Demókrataflokkurinn nýja samsteypustjórn ásamt Fimmstjörnuhreyfingunni með Giuseppe Conte sem forsætisráðherra.

Árið 2019 urðu tveir klofningar úr Demókrataflokknum. Sá fyrri varð í ágúst árið 2019 þegar Carlo Calenda sagði sig úr flokknum og stofnaði hreyfinguna Siamo Europei (íslenska: „Við erum Evrópumenn“) til að mótmæla samstarfi flokksins við Fimmstjörnuhreyfinguna. Sú síðari varð í september 2019 þegar Matteo Renzi sagði sig úr flokknum og stofnaði flokkinn Italia Viva.[1] Italia Viva styður hins vegar ríkisstjórnarsamstarfið og heldur tveimur ráðuneytum í stjórninni.

Árið 2016 taldi Demókrataflokkurinn til sín 405.041 meðlimi, sem var 2,5% aukning frá fyrra ári. Á evrópskum vettvangi gekk Demókrataflokkurinn formlega til liðs við Flokk evrópskra sósíalista þann 27. febrúar 2014, en hann hafði þegar tekið myndað náið samstarf við þá hreyfingu og myndaði árið 2009 þingflokk Framsóknarbandalags sósíalista og demókrata.

Tilvísanir[breyta | breyta frumkóða]

  1. Atli Ísleifsson (17. september 2019). „Renzi stofnar nýjan flokk“. Vísir. Sótt 6. október 2019.
  Þessi stjórnmálagrein er stubbur. Þú getur hjálpað til með því að bæta við greinina.