David de Gea

Úr Wikipediu, frjálsa alfræðiritinu
Jump to navigation Jump to search
David de Gea árið 2017.

David de Gea Quintana (fæddur 7. nóvember 1990) er spænskur atvinnumaður í knattspyrnu sem spilar sem markmaður með enska knattspyrnufélaginu Manchester United og spænska landsliðinu í knattspyrnu.

De Gea fæddist í Madrid og hóf ferli sinn með Atlético Madrid aðeins 13 ára gamall. Hann lék sinn fyrsta leik fyrir félagið árið 2009 og hjálpaði liði sínu að vinna bæði Evrópubikarinn og Ofurbikarinn árið 2010. Frammistaða hans vakti athygli Manchester United og var hann keyptur þangað í júní 2011 fyrir 17,8 milljónir punda.

Síðan hann gekk til liðs við United hefur De Gea spilað yfir 200 leiki og unnið ensku úrvalsdeildina, enska bikarinn, enska deildabikarinn og þrisvar sinnum enska samfélagsskjöldinn.

De Gea var fyrirliði spænska U-21 landsliðsins sem sigraði evrópukeppnina árið 2011 og 2013 og keppti einnig á sumarólympíuleikunum 2012. Hann lék sinn fyrsta leik fyrir aðallið Spánar árið 2014 og var valinn í leikmannahóp fyrir heimsmeistaramótið 2014.