Dagatal
Dagatal er upptalning daga og kerfi til að skipa þeim niður með því að skilgreina tiltekin tímabil, á borð við vikur, mánuði og ár.[1] Dagsetning vísar til eins dags í þessu kerfi. Dagatal er almennt heiti á framsetningu slíks kerfis, til dæmis í töfluformi eða sem listi, bæði á pappír og stafrænu formi. Dagatal getur líka verið listi yfir fyrirhugaða atburði, eins og málaskrá.
Tímabil í dagatölum miðast oftast (en þó ekki alltaf) við gang sólarinnar eða tunglsins.[2] Í fornöld var algengt að miða við sólbundið tungltímatal með reglulegum innskotsmánuði til að tryggja samræmi við sólarárið til lengri tíma.[3]
Tilvísanir
[breyta | breyta frumkóða]- ↑ „Calendars and their History“. eclipse.gsfc.nasa.gov. Sótt 12. mars 2024.
- ↑ „Introduction to Calendars“. aa.usno.navy.mil. Sótt 12. mars 2024.
- ↑ Steele, J. M. (2012). „Living with a lunar calendar in Mesopotamia and China“. Í J. Ben-Dov, W. Horowitz and JM Steele (ritstjóri). Living the Lunar Calendar. bls. 373-387.
