Curtis Carter
| Curtis Carter | ||
| Upplýsingar | ||
|---|---|---|
| Fæðingardagur | s.1950 | |
| Fæðingarstaður | Bandaríkin | |
| Hæð | 2.07 m | |
| Leikstaða | Miðherji | |
| Háskólaferill | ||
| 19??-1971 | Bishop College | |
| Meistaraflokksferill1 | ||
| Ár | Lið | |
| 1975–1976 | KR | |
|
1 Meistaraflokksferill | ||
Curtis "Trukkurinn" Carter (fæddur s.1950) var bandarískur körfuknattleiksmaður sem gerði garðinn frægan með KR tímabilið 1975-1976. Hann og Jimmy Rogers, sem samdi við Ármann sama haust, voru fyrstu erlendu atvinnumennirnir í körfubolta hér á landi. Koma þeirra hleypti nýju lífi í körfuboltann á Íslandi en tilþrif þeirra og litríkir persónuleikar juku áhugan og umfjöllun á körfuboltans og voru þeir tíðir gestir á blaðsíðum dagblaða landsins.[1][2][3]
Ferill á Íslandi
[breyta | breyta frumkóða]Carter, sem var valinn af Phoenix Suns í NBA nýliðavalinu árið 1971, gekk til liðs við KR haustið 1975, 25 ára að aldri, eftir að hafa spilaði í Mexíkó og Svíþjóð tímabilin á undan,[4] og vakti strax mikla athygli fyrir kraftmiklar troðslur.[5] Þann 11. nóvember, í leik á milli KR og Vals, fékk hann viðvörun og seinna tæknivillu fyrir að troða boltanum ítrekað í körfuna, eitthvað sem var ekki leyft samkvæmt reglunum á þeim tíma. Menn höfðu einnig áhyggjur af því að víravirkið sem hélt körfunum í loftinu myndi ekki þola troðslur hans til lengdar.[6]
Fyrsti leikurinn á milli Carter og Rogers var 16. desember og var beðið með mikilli eftirvæntingu.[7] Leikurinn olli ekki vonbrigðum, var æsispennandi og endaði 85-81 Ármanni í vil. En þegar einungis 54 sekúndur voru eftir af leiknum, og staðan jöfn 81-81, þá lenti Carter saman við Rogers og sló hann hnefahöggi í gólfið.[8][9][10] Ljósmyndari |Dagblaðsins náði mynd af högginu og endaði það á forsíðu blaðsins daginn eftir[11] ásamt því sem fyrirsögnin á frétt Þjóðviljas hljóðaði "Jimmy vann einvígið — Trukkur hnefaleikana".[12] Báðir leikmennirnir fengu eins leiks bann fyrir slagsmálin frá aganefnd KKÍ og var hótað með 6 leikja banni ef þeir fengju aðra brottvísun. Dómurinn var talsvert gagnrýndur, bæði þar sem hann þótti of stuttur auk þess að hótunin um 6 leikja bann fyrir annað brot, sem myndi líklegast enda feril þeirra hér á landi, átti bara við um þá en ekki aðra leikmenn. Töldu menn hætta á að andstæðingar þeirra myndu reyna að æsa þá upp í tilraun til að fá dómarana til að vísa þeim af velli.[13]
Í lok tímabilsins var það Rogers sem stóð á toppnum en Ármann tryggði sér Íslandsmeistaratitilinn eftir að hafa sigrað KR í síðasta leik tímabilsins á meðan KR endaði í þriðja sæti, á eftir ÍR í öðru sæti. Carter stóð hins vegar uppi sem stigakóngur deildarinnar með nýju deildarmeti, 451 stigi í 13 leikjum, en á eftir honum fylgdu Rogers með 365 stig og Kristján Ágústsson hjá Snæfelli með 337 stig.[14][15]
Tölfræði í efstu deild
[breyta | breyta frumkóða]| Tímabil | Lið | Leikir | Stig | Stig/leik |
|---|---|---|---|---|
| 1975-76 | KR | 13 | 451 | 34,7 |
| Samtals | 13 | 451 | 34,7 | |
Afrek
[breyta | breyta frumkóða]- Stigakóngur efstu deildar karla: 1976
Heimildir
[breyta | breyta frumkóða]- ↑ „Við erum beztir“. Morgunblaðið. 9. desember 1975. Sótt 29. júlí 2018.
- ↑ „Vallarstarfsmenn fyrstu meistararnir“. Fréttablaðið. 7. nóvember 2008. Sótt 29. júlí 2018.
- ↑ Stefán Kristjánsson (27. febrúar 1988). „Bylting í körfunni“. Dagblaðið Vísir. Sótt 29. júlí 2018.
- ↑ „KR fær líka risa“. Morgunblaðið. 16. september 1975. Sótt 29. júlí 2018.
- ↑ „"Trukkurinn" vakti mikla hrifningu“. Tíminn. 14. október 1975. Sótt 29. júlí 2018.
- ↑ „Trukkurinn var að brjóta niður húsið!“. Vísir. 24. nóvember 1975. Sótt 29. júlí 2018.
- ↑ Björn Blöndal (16. desember 1975). „Blökkumannaslagur í Höllinni í kvöld“. Vísir. Sótt 29. júlí 2018.
- ↑ „Trukkur KR-inga vildi hnefaleika í lokin“. Alþýðublaðið. 17. desember 1975. Sótt 29. júlí 2018.
- ↑ „Blökkumennirnir létu hnefa semja sátt en Ármenningar sigruðu í leiknum 85 - 81“. Morgunblaðið. 18. desember 1975. Sótt 29. júlí 2018.
- ↑ „Blóðug slagsmál á milli blökkumannanna“. Vísir. 17. desember 1975. Sótt 29. júlí 2018.
- ↑ „Risaslagur í Laugardalshöll“. Dagblaðið. 17. desember 1975. bls. 1, 12–13. Sótt 29. júlí 2018.
- ↑ „Jimmy vann einvígið — Trukkur hnefaleikana“. Þjóðviljinn. 18. desember 1975. Sótt 29. júlí 2018.
- ↑ „Bannmálið dregur dilk á eftir sér“. Morgunblaðið. 17. janúar 1976. Sótt 29. júlí 2018.
- ↑ Kjartan L. Pálsson (29. mars 1976). „Ármann braut einveldi ÍR og KR!“. Vísir. bls. "12". Sótt 29. júlí 2018.
- ↑ Kjartan L. Pálsson (2. apríl 1976). „Trukkurinn með tvenn verðlaun!“. Vísir. bls. "12". Sótt 30. júlí 2018.