Bankastræti

Bankastræti

Bankastræti um 1900.

Bankastræti er gata í miðborg Reykjavíkur sem liggur frá Laugaveginum og Skólavörðustíg að gatnamótum við Lækjartorg.

Bankastræti heitir eftir Landsbanka Íslands sem hóf starfsemi sína í Bankastræti 3 þann 1. júlí árið 1886. Nokkrum árum áður, eða þann 2. september 1876 var kveikt á fyrsta götuljósi í Reykjavík, en það stóð hjá Lækjarbrúnni og var steinolíulugt.

Bankastræti hét áður Bakarastígur eða Bakarabrekka, kennd við Bernhöftsbakarí sem var frá 1834 í gömlu húsunum í Bankastræti 2.

Almenningssalernið Núllið er svo nefnt vegna staðsetningar sinnar neðst í Bankastrætinu og neðan við fyrstu númeruðu lóðirnar. Það er tvískipt, karla öðrumegin við götuna en kvenna hinumegin, niðurgrafið svo einungis sést stigaopið á yfirborðinu. Salernið hefur verið lagt af en inngangarnir standa ennþá þótt engin starfsemi sé í húsnæðinu neðanjarðar lengur.

Í upphafi 20. aldar var Bankastræti ekki einstefnugata og þá var hægt að keyra upp Bankastræti upp að Laugarvegi. En keyrðu menn upp Bankastræti urðu menn annaðtveggja að beygja inn á Ingólfsstræti eða til hægri upp Skólavörðustiginn.

Nú er nafnið Bakarabrekkan ekki notað lengur um Bankastræti heldur eingöngu um grösuga brekku fyrir neðan Bernhöftstorfuna á horni Bankastrætis og Lækjargötu. Styttan Vatnsberinn eftir Ásmund Sveinsson er í Bakarabrekkunni. Þar er einnig stórt útitafl með taflmenn eftir Jón Gunnar Árnason myndhöggvara.

Verslanir og veitingastaðir

• Bankastræti 2 - Lækjarbrekka Geymt 2016-07-23 í Wayback Machine
• Bankastræti 3 - Stella
• Bankastræti 4 – Aurum
• Bankastræti 5 – B5
• Bankastræti 5 – 66°Norður
• Bankastræti 6 - GullBúðin
• Bankastræti 6 – Tóbaks- og gjafavöruverslunin Björk
• Bankastræti 7a – Cintamani
• Bankastræti 7 – Icewear
• Bankastræti 7 – Farfuglaheimilið Loft
• Bankastræti 7 – Kaffi Sólon
• Bankastræti 8 – Kaffitár
• Bankastræti 9 – GÞ skartgripir & úr
• Bankastræti 10 – ZO ON
• Bankastræti 11 – Spaksmannsspjarir
• Bankastræti 11 – GK fataverslun
• Bankastræti 11 – Orr gullsmiðir
• Bankastræti 12 – Prikið

Eitt og annað

• Menningarnótt var endursköpuð þann 12. október 2003 í Reykjavík þar sem Skólavörðustígur mætir Laugavegi og Bankastræti til að geta tekið upp atriði fyrir kvikmyndina Dís. Eins voru ásjónu nokkurra húsa á gatnamótum Bankastrætis og Ingólfsstrætis færð til eldra horfs fyrir kvikmynd Friðriks Þórs Friðrikssonar Bíódagar til að hæfa tíðaranda myndarinnar.

Heimildir

  Þessi Íslandsgrein er stubbur. Þú getur hjálpað til með því að bæta við greinina.