Þór III (skip)

Þór

Skipstjóri:
Útgerð:	Landhelgisgæsla Íslands
Þyngd:	960 brúttótonn
Lengd:	62,8 m
Breidd:	9,5 m
Ristidýpt:	5,2 m
Vélar:
Siglingahraði:	18 sjómílur
Tegund:	Varðskip
Bygging:	Álaborg, Danmörk

Varðskipið Þór III (einnig nefnt Nýi-Þór) var varðskip í eigu Landhelgisgæslu Íslands sem notað var á árunum 1951 til 1982.

Í þjónustu Landhelgisgæslunnar

Skipið var smíðað í Danmörku árið 1951 fyrir Landhelgisgæsluna. Skipið var smíðað úr stáli, alls 920 tonn. Lengd þess var 55,9 m og breidd 9,5 m. Skipið var búið tveim 57 mm fallbyssum. Þór III var flaggskip Landhelgisgæslunar um árabil og tók þátt í öllum Þorskastríðum Íslendinga og Breta. Skipið var endurbætt árið 1972, en þær endurbætur fólust meðal annars í nýrri yfirbyggingu og endurnýjun á vélabúnaði skipsins.

Eftir LHG

Árið 1982 var skipið selt Slysavarnarfélagi Íslands og notað sem þjálfunar og skólaskip fyrir Slysavarnarskóla sjómanna. Nafni skipsins var þá breytt í Sæbjörgu. Eftir að nýtt skip var fengið til að leysa það af hólmi 1998 hefur það verið í einkaeigu. Um tíma var það málað gylltum lit og voru uppi hugmyndir um að gera það út sem fljótandi diskótek.

Árið 2009 var Þór notaður sem aðalsviðið í íslensku kvikmyndinni Reykjavik Whale Watching Massacre.

Skipið var selt í brotajárn árið 2012.

Sjá og

• Þór (skip) (1899-1929)
• Þór II (1930-1946)
• Þór IV (2011- )