Öryrkjabandalag Íslands

Úr Wikipediu, frjálsa alfræðiritinu
Jump to navigation Jump to search
OBI-logo.png

Öryrkjabandalag Íslands (skammstafað ÖBÍ), stofnað 5. maí árið 1961, er hagsmuna- og mannréttindasamtök fatlaðs fólks. Félagið veitir margvíslega þjónustu og vinnur að því að efla jafnrétti í samfélaginu fyrir þann hóp fólks. Stofnfélög voru sex en aðildarfélög eru í dag 43 talsins. 19 eiga sæti í stjórn. Innan bandalagsins starfar Kvennahreyfing þvert á aðildarfélög og sömuleiðis Ungliðahreyfing fyrir fólk á aldrinum 18-35 ára.

Formaður frá 21. október 2017 er Þuríður Harpa Sigurðardóttir. Framkvæmdastjóri frá árinu 2008 er Lilja Þorgeirsdóttir. Félagið er til húsa að Sigtúni 42, 105 Reykjavík. Öryrkjabandalagið er aðili að ýmsum alþjóðlegum samtökum fatlaðra, svo sem Handikaporganisasjonenes Nordiska Råd og European Disability Forum.

Sex málefnahópar starfa að málefnum bandalagsins: Málefnahópur um aðgengi, málefnahópur um atvinnu- og menntun, málefnahópur um heilbrigði, málefnahópur um kjaramál, málefnahópur um sjálfstætt líf og málefnahópur um málefni barna.[1]

Öryrkjabandalag Íslands heldur úti vefnum obi.is og síðu á Facebook þar sem margvíslegum upplýsingum er miðlað.

Þjónusta[breyta | breyta frumkóða]

Boðið er upp á aðstoð við mál sem tengjast almannatryggingum, sveitarfélögum, íslenska ríkinu, Sjúkratryggingum Íslands og Tryggingastofnun ríkisins, svo nokkuð sé nefnt. Ókeypis lögfræðiaðstoð er einnig veitt auk ýmissrar fjölbreyttrar þjónustu.

Brynja-Hússjóður ÖBÍ er sjálfseignarstofnun sem á og rekur u.þ.b. 800 íbúðir fyrir öryrkja. Tekjustofninn er leigan fyrir íbúðunum.

Hringsjá - náms- og starfsendurhæfing býður náms- og starfsendurhæfingu. Hringsjá er rekin af ÖBÍ sem hefur gert þjónustusamning við félagsmálaráðuneytið og Tryggingastofnun Ríkisins um þá þjónustu sem veitt er.

Tímarit ÖBÍ kemur út einu sinni á ári og er dreift um allt land. Vefrit ÖBÍ er gefið út eftir því sem þurfa þykir.

ÖBÍ á aðild að Íslenskri getspá og TMF tölvumiðstöð.

Aðildarfélög[breyta | breyta frumkóða]

  • ADHD samtökin
  • Alzheimersamtökin á Íslandi
  • Astma- og ofnæmisfélag Íslands
  • Ás styrktarfélag
  • Blindrafélagið
  • Blindravinafélag Íslands
  • CCU samtökin
  • CP félagið
  • Einhverfusamtökin
  • Félag heyrnarlausra
  • Félag lesblindra á Íslandi
  • Félag lifrarsjúkra
  • Félag nýrnasjúkra
  • Fjóla - félag fólks með samþætta sjón- og heyrnarskerðingu
  • Foreldra- og styrktarfélag heyrnardaufra
  • Geðhjálp
  • Geðverndarfélag Íslands
  • Gigtarfélag Íslands
  • Heilaheill
  • Heyrnarhjálp
  • Hiv-Ísland
  • Hjartaheill
  • Hugarfar
  • Lauf
  • Málbjörg
  • Málefli
  • ME félagið
  • MG félag Íslands
  • MND félagið á Íslandi
  • MS-félag Íslands
  • Ný rödd
  • Parkinsonsamtökin á Íslandi
  • Samtök lungnasjúklinga
  • Samtök sykursjúkra
  • Samtök um endómetríósu
  • SEM - samtök endurhæfðra mænuskaddaðra
  • SÍBS
  • Sjálfsbjörg
  • SPOEX
  • Stómasamtök Íslands
  • Styrktarfélag lamaðra og fatlaðra
  • Tourette-samtökin á Íslandi
  • Vífill - félag einstaklinga með kæfisvefn


Neðanmálsgreinar[breyta | breyta frumkóða]

  1. https://www.obi.is/is/um-obi/malefnahopar

Heimildir[breyta | breyta frumkóða]

  • „Öryrkjabandalag Íslands“. Sótt 15. janúar 2019.

Tenglar[breyta | breyta frumkóða]