ÖBÍ réttindasamtök
ÖBÍ réttindasamtök (Öryrkjabandalag Íslands), stofnuð 5. maí árið 1961, eru hagsmuna- og mannréttindasamtök fatlaðs fólks. Félagið sem er almannaheillafélag, veitir margvíslega þjónustu og vinnur að því að efla jafnrétti í samfélaginu fyrir þann hóp fólks. Stofnfélög voru sex en aðildarfélög eru í dag 40 talsins. 19 eiga sæti í stjórn. Innan bandalagsins starfar Kvennahreyfing þvert á aðildarfélög og sömuleiðis Ungliðahreyfing, UngÖBÍ, fyrir fólk á aldrinum 18-35 ára.
Formaður er Alma Ýr Ingólfsdóttir. Framkvæmdastjóri frá árinu 2021 er Eva Þengilsdóttir. Félagið er til húsa að Sigtúni 42, 105 Reykjavík. ÖBÍ réttindasamtök eru aðili að ýmsum alþjóðlegum samtökum fatlaðra, svo sem Handikaporganisasjonenes Nordiska Råd og European Disability Forum.
Sex málefnahópar starfa að málefnum bandalagsins: Aðgengishópur, atvinnu- og menntahópur, heilbrigðismálahópur, kjarahópur, húsnæðishópur og barnamálahópur.[1]
Öryrkjabandalag Íslands heldur úti vefnum obi.is og síðu á Facebook þar sem margvíslegum upplýsingum er miðlað.
Þjónusta
[breyta | breyta frumkóða]Boðið er upp á aðstoð við mál sem tengjast almannatryggingum, sveitarfélögum, íslenska ríkinu, Sjúkratryggingum Íslands og Tryggingastofnun, svo nokkuð sé nefnt. Ókeypis lögfræðiaðstoð er einnig veitt auk ýmissrar fjölbreyttrar þjónustu.
Brynja leigufélag ses. er sjálfseignarstofnun sem á og rekur u.þ.b. 800 íbúðir fyrir öryrkja. Tekjustofninn er leigan fyrir íbúðunum.
Hringsjá - náms- og starfsendurhæfing býður náms- og starfsendurhæfingu. Hringsjá er rekin af ÖBÍ sem hefur gert þjónustusamning við félagsmálaráðuneytið, Tryggingastofnun og VIRK um þá þjónustu sem veitt er.
Örtækni er félag í eigu ÖBÍ sem hefur sérhæft sig í smíði og samsetningu á öllum gerðum kapla auk þess að bjóða upp á mikið úrval af lýsinga-, tengi- og tæknibúnaði.
ÖBÍ á aðild að Íslenskri getspá og TMF tölvumiðstöð.
Aðildarfélög
[breyta | breyta frumkóða]- ADHD samtökin
- Alzheimersamtökin á Íslandi
- Astma- og ofnæmisfélag Íslands
- Ás styrktarfélag
- Blindrafélagið
- CCU samtökin
- CP félagið
- Diabetes Ísland - félag fólks með sykursýki
- Einhverfusamtökin
- Endósamtökin
- Félag heyrnarlausra
- Félag lesblindra á Íslandi
- Fjóla - félag fólks með samþætta sjón- og heyrnarskerðingu
- Foreldra- og styrktarfélag heyrnardaufra
- Geðverndarfélag Íslands
- Gigtarfélag Íslands
- Heilaheill
- Heyrnarhjálp
- Hiv-Ísland
- Hjartaheill
- Lauf
- Lungnasamtökin
- Málbjörg
- Málefli
- ME félagið
- MG félag Íslands
- MND félagið á Íslandi
- MS-félag Íslands
- Ný rödd
- Nýrnafélagið
- Parkinsonsamtökin á Íslandi
- Samtök um áhrif umhverfis á heilsu
- SEM - samtök endurhæfðra mænuskaddaðra
- SÍBS
- Sjálfsbjörg
- SPOEX
- Stómasamtök Íslands
- Styrktarfélag lamaðra og fatlaðra
- Tourette-samtökin á Íslandi
- Vífill - félag einstaklinga með kæfisvefn
Neðanmálsgreinar
[breyta | breyta frumkóða]Heimildir
[breyta | breyta frumkóða]- „Öryrkjabandalag Íslands“. Sótt 15. janúar 2019.