Mugison

Mugison
Mugison
	Mugison árið 2015
Upplýsingar
Fæddur	Örn Elías Guðmundsson; 4. september 1976 (47 ára); Reykjavík, Íslandi
Störf	Tónskáld, söngvari, gítarleikari
Ár virkur	1993–í dag
Maki	Rúna Esradóttir
Börn	2
Stefnur	Rokk; Dægurtónlist;
Hljóðfæri	Rödd; Gítar;
Samvinna	Pétur Ben;
Áður meðlimur í	Dísel Sæmi; Joseph and Henry Wilson limited estabilshed 1833;
Vefsíða	www.mugison.com

Örn Elías Guðmundsson (f. 4. september 1976), best þekktur sem Mugison, er íslenskur tónlistarmaður ættaður frá Ísafirði og Bolungarvík á Vestfjörðum.

Mugison fór utan að læra upptökur ungur að aldri en þegar hann kom heim tók hann upp fyrstu plötuna sína, Lonely Mountain, heima í herbergi sínu. Platan kom út og þótti afbragðs verk og var gefin út á Íslandi og víða í Evrópu. Í kjölfarið var Mugison fenginn til að gera tónlist við kvikmynd Friðriks Þórs, Niceland. Hann sló ekki slöku við og gerði tónlistina við Niceland ásamt því að taka upp aðra breiðskífu sína, Mugimama, is this monkey music? sem vann til Íslensku tónlistarverðlaunanna 2004 sem poppplata ársins og var lagið Murr Murr valið besta lag ásamt því að Mugison var tilnefndur sem besti söngvari og besti flytjandi ársins.

Þriðja plata Mugison kom út árið 2005 og heitir A Little Trip to Heaven, gerð við samnefnda kvikmynd Baltasars Kormáks. Sama ár spilaði hann á Hróarskelduhátíðinni.

Mugison ásamt föður sínum Guðmundi Kristjánssyni sem stundum er kallaður er Papamug hafa séð um tónlistarhátíðina Aldrei fór ég suður frá stofnun hennar árið 2004. Mugison lék á færeysku tónlistarhátíðinni G! Festival árið 2006.

Platan Haglél (2011) naut mikilla vinsælda.