Íþróttafélagið Draupnir

Íþróttafélagið Draupnir
Stofnað	2008
Aðsetur	Skólastíg 4, Akureyri
Stjórnarformaður	Stefán Heiðar Bjarnason
Yfirþjálfari	Jón Óðinn Waage

Íþróttafélagið Draupnir var stofnað þann 8. október 2008. Stofnendur þess voru þeir Jón Stefán Jónsson, Aðalbjörn Hannesson og Egill Ármann Kristinsson. Jón Stefán, sem þá var starfandi knattspyrnuþjálfari hjá Þór og Egill og Aðalbjörn sem þá voru starfandi hjá KA ákváðu að stofna saman félag sem þeir vildu að yrði til staðar sem litla liðið í knattspyrnu á Akureyri.

Árið 2011 dró félagið sig út úr keppnum í 3. deild karla og kvenna og með því lagðist knattspyrnuiðkun af hjá félaginu.

Á vordögum 2012 var ákveðið að stofna júdódeild undir merkjum Draupnis.
Þann 22. apríl 2012 var kosin ný stjórn sem hefur það á stefnuskrá sinni að vinna að framgangi júdóíþróttarinnar undir merkjum Draupnis.

30. maí 2012 boðaði aðalstjórn KA til félagsfundar í KA-heimilinu. Þar var að starfsemi Júdódeildar KA leggist af og iðkendur deildarinnar æfi og keppi undir merkjum Draupnis frá þeim degi.
21. ágúst 2012 fékk júdódeild Draupnis leyfi frá aðalstjórn KA til að hefja júdóæfingar í því húsnæði sem júdódeild KA hafði áður í KA heimili fyrir tímabilið 2012-2013. Þó var eingöngu um salinn að ræða en ekki þá geymslu- og félagsaðstöðu sem júdódeild KA hafði áður.

2. nóvember 2012 samþykkti Stjórn ÍBA á stjórnarfundinum flutninga á starfsemi Draupnis frá KA heimilinu í húsnæði Þrekhallarinnar í Íþróttahöllinni (sem Golfklúbbur Akureyrar notaði áður). Samþykkið var með þeim fyrirvörum að breytingin hafi ekki aukinn kostnað í för með sér fyrir Bandalagið og að séð sé til þess að aðstaðan, fyrir áframhaldandi starfsemi á báðum stöðum, verði viðunandi eftir flutninginn.

15. nóvember var eftirfarandi bókun gerð hjá Íþróttaráði Akureyrar.

:2012110061 - Æfingaraðstaða Íþróttafélagsins Draupnis :Erindi dags. 2. nóvember 2012 frá Íþróttabandalagi Akureyrar varðandi æfingaraðstöðu Íþróttafélagsins Draupnis.

Jón Óðinn Waage og Inga Björk Harðardóttir frá Draupni, Sævar Pétursson frá KA og Haukur Valtýsson frá ÍBA sátu fundinn undir þessum lið.

:Íþróttaráð veitir Íþróttafélaginu Draupni heimild til að flytja og nota júdódýnur og fjarðurgólf sem nú er í júdósal KA heimilisins í bráðabirgðaraðstöðu við Skólastíg 4, 600 Akureyri. Íþróttaráð vekur athygli á því að sá búnaður sem verður færður úr júdósal KA heimilisins er og verður áfram eign Akureyrarbæjar og í umsjón íþróttaráðs þegar leigutíma er lokið í bráðabirgðaraðstöðunni.

19. nóvember hóf Íþróttafélagið Draupnir æfingar í nýju húsnæði við Skólastíg 4.

Stjórnir Draupnis

Ár	Formaður	Varaformaður	Gjaldkeri	ritari	Meðstjórandi
2015	Hans Rúnar Snorrason	Inga Steinlaug Hauksdóttir	Valbjörn Helgi Viðarsson	Hermann Torfi Björgólfsson	Aldís Einarsdóttir
2015	Jón Óðinn Waage	Inga Björk Harðardóttir	Valbjörn Helgi Viðarsson	Hans Rúnar Snorrason	Aldís Einarsdóttir	Hermann Torfi Björgólfsson (meðstj)	Inga Steinlaug Hauksdóttir (meðstj)
2014	Hans Rúnar Snorrason	Elín Jóhanna Bjarnadóttir	Valbjörn Helgi Viðarsson	Inga Björk Harðardóttir	Aldís Einarsdóttir
2013	Stefán Heiðar Bjarnason	Vilhelm Þorri Vilhelmsson	Hans Rúnar Snorrason	Inga Björk Harðardóttir	Elín Jóhanna Bjarnadóttir
2012	Stefán Heiðar Bjarnason	Vilhelm Þorri Vilhelmsson	Hans Rúnar Snorrason	Inga Björk Harðardóttir	Elín Jóhanna Bjarnadóttir
2011	Sævar Eðvarsson	Guðrún Soffía Viðarsdóttir	Birna Blöndal	Bryngeir Valdimarsson	Tinna Hermannsdóttir	Jón Stefán Jónsson (meðstjórnandi)	Atli Páll Gylfason (meðstjórnandi)
2010	Jón Stefán Jónsson	Guðrún Soffía Viðarsdóttir	Birna Blöndal	Aðalbjörn Hannesson	Tinna Hermannsdóttir	Sævar Eðvarðsson (meðstjórnandi)	Bryngeir Valdimarsson (meðstjórnandi)
2009	Egill Ármann Kristinsson	Jón Stefán Jónsson		Aðalbjörn Hannesson