Íslenskt mannanafn

Íslenskt mannanafn getur annars vegar átt við nöfn mynduð af íslenskum rótum og hins vegar þau nöfn sem tíðkast á Íslandi og hafa fengið samþykki Mannanafnanefndar.

Ættarnöfn

Um 8.900 ættarnöfn eru í notkun á Íslandi, og um 27.000 manns bera ættarnafn^{[heimild vantar]}. Tíu algengustu ættarnöfnin á Íslandi eru: (tölurnar fyrir aftan nöfnin eru fjöldi þeirra sem báru nafnið árið 2025).

1. Nguyen (615)
2. Blöndal (472)
3. Hansen (458)
4. Thorarensen (354)
5. Rodriguez (351)
6. Andersen (329)
7. Santos (321)
8. Nielsen (317)
9. Garcia (291)
10. Olsen (289)

Uppruni íslenskra ættarnafna er fjölbreyttur, þar sem sum hafa borist með aðfluttum íbúum meðan önnur voru búin til á Íslandi, meðal annars út frá föðurnöfnum eða örnefnum.

• Beck - Saga Beckfjölskyldunnar á Sómastöðum á Reyðarfirði hófst þegar Hans og Steinunn Beck fengu ábúð á jörðinni 1870. Hans Jakob Beck var sonur danska verslunarmannsins Christen N. Beck á Eskifirði.
• Blöndal - Aðlögun á staðarheitinu Blöndudalur í Húnaþingi.
• Briem - Aðlögun á staðarheitinu Brjánslækur í Barðarstrandarsýslu.
• Claessen - Komið af hollenskum/dönskum uppruna, og má rekja ættina til Jean Valgard Claessen.
• Diego - Komið frá frönsku landnemunum sem voru á meðal fyrstu Evrópumannanna sem settust að í Norður-Ameríku rétt um 1600.
• Egilson - Komið frá Þorsteini Egilson, syni Sveinbjarnar Egilssonar, rektors.
• Kemp - Flestir, ef ekki allir, sem nafn þetta bera á Íslandi rekja það til Ludvig Conrad Frederick Kemp frá Þýskalandi sem fluttist til landsins um aldamótin 1800 og bjó á Húsavík og Eskifirði.
• Ottesen - Komið frá Lárusi Ottesen (Oddsyni) langafa Péturs Ottesen alþingismanns.
• Rafnar - Aðlögun á bæjarheitinu Hrafnagili í Eyjafirði.
• Scheving - Íslensku Schevingarnir eru komnir frá Lauritz Hansson Scheving prófasti í Skevinge á Sjálandi sem uppi var um aldamótin 1600.
• Stephensen - Komið frá Ólafi Stefánssyni Stephensen stiftamtmanni sem skrifaðist á við danska konunginn undir nafninu Stephensen. Synir hans tóku svo líka upp nafnið, þar með talinn Magnús Stephensen.
• Thorlacius - Þórður sonur Þorláks biskups Skúlasonar á Hólum var skráður í háskólann í Strassborg árið 1666 sem „Theodorus Thorlacisus Hola Islandus“. Er það upphaf nafnsins.
• Vídalín - Aðlögun á staðarheitinu Víðidalur í Vestur-Húnavatnssýslu.
• Wiium - Af erlendum uppruna.
• Zoëga - Mun komið frá Ítalíu upphaflega. Ættfaðir á Íslandi var Jóhannes Zoega 1747-1821, sem kom til landsins til að starfa við hina konunglegu verslun í Vestmannaeyjum. Hann starfaði síðan við tugthúsið og sem bakari.

Tengt efni

• Listi yfir íslensk eiginnöfn karlmanna
• Listi yfir íslensk eiginnöfn kvenmanna
• Listi yfir íslensk millinöfn
• Listi yfir nöfn sem mannanafnanefnd hefur hafnað

Tenglar

• Lög varðandi íslensk mannanöfn
• Nordic Names

Greinar um mannanöfn

• Íslenskt mál, 489. þáttur. (Um tvínefnasiðinn). Morgunblaðið, 123. tölublað (03.06.1989), Blaðsíða 10
• Nöfn Íslendinga. Lesbók Morgunblaðsins, 42. tölublað (28.11.1992), Blaðsíða 5

  Þessi grein er stubbur. Þú getur hjálpað til með því að bæta við greinina.