Ásgeirsverslun

Úr Wikipediu, frjálsa alfræðiritinu
Jump to navigation Jump to search

Ásgeirsverslun á Ísafirði var verslun og útgerð með miðstöð á Ísafirði. Fyrirtækið var stærsta verslunarfyrirtæki Íslands á sínum tíma, gerði út mörg mismunandi stór fiskiskip og rak útibú fyrir verslun og fiskmóttöku víða um Vestfirði. Verslunin er kennd við feðga sem báðir hétu Ásgeir. Árni Jónsson faktor var verslunarstjóri. Ásgeirsverslun hætti starfsemi 30. nóvember árið 1918.

Árið 1889 lét fyrirtækið leggja fyrstu símalínu á Íslandi og náði hún frá Faktorshúsinu í Neðstakaupstað upp í verslunarhúsið að Aðalstræti 15. Þremur árum seinna var lagður „málþráður“ milli Ísafjarðar og Hnífsdals.

Árið 1894 keypti Ásgeirsverslun fyrsta stóra millilandaskipið sem var í eigu íslendinga. Það var skipið Ásgeir Ásgeirsson og var það 900 lestir. Skipið sigldi milli ísafjarðar og Evrópu. Það flutti út saltfisk til Spánar og kom til baka með vörur frá Kaupmannahöfn.

Heimild[breyta | breyta frumkóða]

  Þessi sögugrein sem tengist Íslandi er stubbur. Þú getur hjálpað til með því að bæta við greinina.