Tove Jansson

Tove Marika Jansson (9. ágúst 1914 – 27. júní 2001) var finnlandssænskur rithöfundur, listmálari og teiknari, fædd í Helsinki. Hún var komin af listafólki en móðir hennar var sænska listakonan, Signe Hammarsten-Jansson og faðir hennar finnski myndhöggvarinn Viktor Jansson.

Hún er þekkt fyrir bækur sínar um Múmínálfana sem hún bæði skrifaði og myndskreytti og sem listmálari. Hún skrifaði einnig aðrar bækur ásamt því að myndskreyta bækur eftir önnur. Til dæmis myndskreytti hún bæði Hobbitann eftir J.R.R. Tolkien og Ævintýri Lísu í Undralandi eftir Lewis Carroll.

Starfsævi hennar náði yfir meira en 70 ár. Í bókum hennar má finna mikið af vísunum í líf hennar og sögupersónur hennar eru sumar byggðar á raunverulegum persónum í lífi hennar.

Tove bjó í áratugi með konu en Finnska ríkið bannaði opna samkynhneigð með lögum í heimalandi hennar þar til árið 1971. Konan hennar var Tuulikki Pietilä, listakona og prófessor, en Tikka-tú í Múmínálfunum er byggð á Pietilä.

Heimild

Fyrirmynd greinarinnar var að hluta til „Tove Jansson“ á sænsku útgáfu Wikipedia. Sótt desember 2012.

Tenglar

Kistan: Ást og litagleði í kynjaveröldinni í Múmíndal (höf.Þórdís Gísladóttir)^{[óvirkur tengill]}