Ryan Reynolds

Ryan Reynolds
Reyonlds á frumsýningu X-men Origins: Wolverine
Fæddur	Ryan Rodney Reynolds 23. október 1976 (1976-10-23) Vancouver, Breska Kólumbía, Kanada
Störf	Leikari Kvikmyndaframleiðandi Grínisti Kaupsýslumaður
Hæð	1.88
Maki	Scarlett Johansson (g. 2008; sk. 2011) Blake Lively (g. 2012)
Börn	Inez Reynolds Betty Reynolds James Reynolds
Foreldrar	James Chester Reynolds Tammy Reynolds

Ryan Rodney Reynolds (fæddur 23. október 1976) er kanadískur leikari. Hann er þekktastur fyrir hlutverk sín í gamanmyndunum en einnig í rómantískum myndum eins og Van Wilder, Waiting..., Just Friends, Definitely Maybe og The Proposal en einnig í Deadpool og X-Men Origins: Wolverine. Reynolds lét líka í ofurhetjumyndinni Green Lantern ásamt Blake Lively og Mark Strong.

Æska

Reynolds fæddist í Vancouver í Bresku Kólumbíu, Kanada. Hann er sonur James og Tammy Reynolds og er yngstur af fjórum bræðrum. Hann er af írskum ættum og var alinn upp í kaþólskri trú. Ryan útskrifaðist úr Kitsilano menntaskólanum sem staðsettur er í Vancouver árið 1994. Síðan gekk hann í Kwantlen háskólann, einnig í Vancouver en kláraði þó aldrei.

Ferill

Ferill Reynolds byrjaði árið 1990 þegar hann lék Billy í kanadísku unglingasápunni Hillside, sem var einnig sýnd í Bandaríkjunum. Sem fullorðinn maður lék Ryan í National Lampoon kvikmyndinni Van Wilder og í bandarísku sjónvarpsþáttaröðinni, Two Guys, A Girl and a Pizza Place og lék læknisfræðinemann Michael "Berg" Bergen. Hann lék einnig lítið hlutverk í Harold & Kumar Go to White Castle sem hjúkka, lék í The In-Laws með Michael Douglas og Albert Brooks en líka í kandaísku myndinni Foolproof. Árið 2005 lék hann þjón að nafni Monty í Waiting..., og sem tónlistarframleiðandinn Cris Brander í rómantísku gamanmyndinni Just Friends ásamt Amy Smart og Önnu Faris. Ryan lék söguhetjuna í kvikmyndinni Definitely, Maybe árið 2008. Hann lék síðan í seinni hluta lokaþáttar seríu sjónvarpsþáttarins Nýgræðingar (e. Scrubs), þar sem hann lék Spence, vin J.D. og Turks úr menntaskóla. Árið 2009 lék hann Andrew Paxton, þar sem hann lék á móti Söndru Bullock í vinsælu rómantísku gamanmyndinni The Proposal.

Þrátt fyrir að hafa að mestu leikið í gamanmyndum lék Reynolds dimma karakterinn George Lutz í endurgerðinni af hryllingsmyndinni The Amityville Horror. Hann fór í brjálaða líkamsrækt fyrir hlutverk sitt sem Hannibal King í kvikmyndinni Blade: Trinity en í henni léku líka Wesley Snipes og Jessica Biel. Hann lék líka alríkislögreglufulltrúa (FBI) ásamt Ray Liotta í glæpa-hasarmyndinni Smokin' Aces.

Í vitðali í mars 2005 greindi Reynolds frá áhuga sínum og þátttöku í mögulegri endurgerð kvikmyndarinnar Deadpool með handritshöfundinum David S. Goyer. Reynolds lék Deadpool í X-Men Origins: Wolverine og mun leika hann aftur í kvikmynd sem ber nafnið Deadpool. Ryan mun leika ofurhetjuna Hal Jordan/Green Lantern í væntanlegu myndinni Green Lantern sem kemur í kvikmyndahús þann 17. júní 2011 í þrívídd, sem setur Reynolds í hóp fárra leikara sem hafa leikið aðalhutverkin í myndum sem eru byggð á Marvel- og DC-teiknimyndablöðum. Reynolds heilsaði aðdáendum og sór Green Lantern eiðinn á Comic-Con 2010. Reynolds lék einnig í spænsk-áströlsku hryllingsmyndinni Buried sem var leikstýrt af Rodrigo Cortes.

Reynolds var útnefndur kynþokkafyllsti karlmaður á lífi árin 2008,2009 og 2010 af tímaritinu People.

Ryan Reynolds var valinn nýtt andlit Hugo Boss ilma í febrúar 2010.

Einkalíf

Árið 2002 byrjaði Reynolds ástarsamband við kanadísku söngkonuna Alanis Morissette. Þau tilkynntu um trúlofun sína í júní 2004. Í febrúar árið 2007 tilkynntu talsmenn Morissette og Reynolds að þau hefðu ákveðið að slíta trúlofun sinni. Plata Morissette, Flavors of Entanglement var búin til vegna sambandsslitanna.

Stuttu eftir að sambandi hans og Morissette lauk byrjaði Reynolds með leikonunni Scarlett Johansson og tilkynnti parið um trúlofun sína 5. maí 2008. Þau giftu sig þann 27. september 2008 í athöfn nálægt Tofino í Bresku Kólumbíu. Þann 14. desember 2010 tilkynntu Reynolds og Johansson að þau væru skilin að borði og sæng og sögðu í sameiginlegri tilkynningu, "Eftir langa og mikla umhugsun að okkar beggja hálfu, höfum við ákveðið að enda hjónaband...við komum inn í sambandið með ást og það er með ást og kærleika sem við skiljum." Reynolds sótti formlega um skilnað 23. desember 2010 í Los Angeles á grunvelli ósættanlegs ágreinings.

Í október 2008 skrifaði Reynolds í Huffington blaðið um ætlun sína að hlaupa New York-borgar maraþonið fyrir föður sinn, sem er með Parkinson-sjúkdóminn.

Hlutverk

Kvikmyndir

Ár	Kvikmynd	Hlutverk	Athugasemdir
1993	Ordinary Magic	Ganesh/Jeffrey
1995	Serving in Silence: The Margarethe Cammermeyer Story	Andy	Kvikmynd framleidd fyrir sjónvarp
1996	When Friendship Kills	Ben Colson	Kvikmynd framleidd fyrir sjónvarp
	Sabrina the Teenage Witch	Seth	Kvikmynd framleidd fyrir sjónvarp
	In Cold Blood	Bobby Rupp	Kvikmynd framleidd fyrir sjónvarp
1997	The Alarmist	Howard Ancona
1998	Tourist Trap	Wade Early
1999	Coming Soon	Henry Lipschitz
	Dick	Chip
2000	Teen Monster	Carl
2001	Finder's Fee	Quigley
2002	National Lampoon's Van Wilder	Van Wilder
	Buying the Cow	Mike Hanson	Beint á leigur
2003	The In-Laws	Mark Tobias
	Foolproof	Kevin
2004	Harold & Kumar Go to White Castle	Karlkyns hjúkka
	Blade: Trinity	Hannibal King
2005	School of Life	Michael "Mr. D" D'Angelo	Kvikmynd framleidd fyrir sjónvarp
	The Amityville Horror	George Lutz
	Waiting...	Monty
	Just Friends	Chris Brander
2007	Smokin' Aces	Richard Messner
	The Nines	Gary/Gavin/Gabriel
	Chaos Theory	Frank Allen
2008	Definitely, Maybe	Will Hayes
	Fireflies in the Garden	Michael Taylor
2009	Adventureland	Mike Connell
	X-Men Origins: Wolverine	Wade Wilson / Deadpool	Deildi hlutverki með Scott Adkins
	The Proposal	Andrew Paxton
2010	Buried	Paul Conroy
	2011	Green Lantern	Hal Jordan / Green Lantern	Í framleiðslu
2012		The Croods	Aðeins rödd	Í upptökum

Sjónvarp

Ár	Titill	Hlutverk	Athugasemdir
1990	Hillside	Billy Simpson
1993–1994	The Odyssey	Macro	14 þættir
1995	The Outer Limits	Derek Tillman
1996	The X-Files	Jay "Boom" DeBoom	3. þáttaröð, 3. þáttur
	The John Larroquette Show	Tony Hemingway	Þáttaröð 4, þáttur 7
1997	The Outer Limits	Paul Nodel
1998–2001			Two Guys and a Girl	Michael "Berg" Bergen	Aðalhlutverk - 81 þættir
2003	Scrubs	Spence	Þáttaröð 2, þáttur 22
2007	My Boys	Hams	Þáttaröð 1, þáttur 19
2009	Saturday Night Live'	Kynnir

Heimildir

Fyrirmynd greinarinnar var „Ryan Reynolds“ á ensku útgáfu Wikipedia. Sótt apríl 2010.