Rekavík bak Látur

Úr Wikipediu, frjálsa alfræðiritinu

Rekavík bak Látur er vík norðan við Aðalvík á Hornströndum. Milli Aðalvíkur og Rekavíkur er Straumnesfjall og á Straumnesi var Straumnesviti. Norðan megin við Rekavík er Fljótavík. Í Rekavík er stórt vatn, Rekavíkurvatn, og tekur það mest allt undirlendi víkurinnar. Það hefur ekkert sjáanlegt affall, heldur sitrar gegnum grótkamb. Rekavíkurbær stóð úti undir fjalli vestanvert í víkinni. Um miðja 18. öld bjó í Rekavík Kolbeinn Jónsson og fjölskylda hans. Til þeirra kom strokufólk úr Arnarfirði Sigríður og Sveinn og var þeim leynt í Rekavík. Mun Sveinn hafa komist í hollenska duggu og var sonur Rekavíkurbónands Bjarni Kolbeinsson nítján árum seinna dæmdur í tveggja ára betrunarvist fyrir að hafa banað Sigríði.

Út og upp af Rekavíkurbæ er klettahjalli og ofan hans gengur dalur inn í fjallið og heitir sá Öldudalur. Þar fór vitavörður við Straumnessvita upp á Straumnessfjall og síðan niður Straumnessdal að vitanum. Árið 1896 voru tvö bjarndýr unnin í Rekavík bak Látur.

Heimildir[breyta | breyta frumkóða]

  Þessi Íslandsgrein er stubbur. Þú getur hjálpað til með því að bæta við greinina.