Ragna Róbertsdóttir

Lava from Hekla eftir Rögnu Róbertsdóttur

Ragna Róbertsdóttir (f. 1945 í Reykjavík) er íslensk myndlistarkona. Hún er menntuð hér á landi og í Svíþjóð.

Ævi og menntun[breyta | breyta frumkóða]

Ragna Róbertsdóttir stundaði nám við Myndlista- og handíðaskóla Íslands á sjöunda áratug síðustu aldar á tíma Kurt Zier og Harðar Ágústssonar. Þá var enn lögð mikil áhersla á teikningu í skólanum og var nemendum þar kennt grundvallaratriði í beitingu ólíkrar tækni og miðla. Eftir að hafa lokið framhaldsnámi við Konst-fac skólanum í Stokkhólmi á árunum 1970-1971, tók Ragna þátt í vakningu sem varð meðal kvenna í myndlist á áttunda áratugnum.

Ferill[breyta | breyta frumkóða]

Ragna stofnaði, ásamt 11 konum, Gallerí Langbrók í Reykjavík en voru síðustu sýningarnar þar árið 1985. Þegar tók að líða á níunda áratuginn fór Ragna að gera list sína að þeirri sem hún er þekktust fyrir í dag. Þá urðu jarðefni ráðandi efniviður í verkum hennar en mörg þeirra eru gerð úr torfi og hraungrýti. Torf eru sett saman í stórar rúllur, sem mynda misstór rýmisverk eða hraungrýti lagt ofan á rýmisverkin en hraungrýtið hefur verið sagað niður í litlar einingar sem er síðan raðað upp. Hún hefur aðallega sýnt á Íslandi en einnig í öðrum löndum, eins og Frakklandi, Sviss, Þýskalandi, Danmörku, Bretlandi og Noregi.