Quneitra
Quneitra (arabíska: القنيطرة al-Qunayṭrah) er yfirgefinn höfuðstaður Quneitra-héraðs í Gólanhæðum í suðvesturhluta Sýrlands. Borgin stendur í 1.010 metra hæð yfir sjávarmáli.
Ísrael hertók borgina á síðasta degi Sex daga stríðsins 1967. Sýrland náði borginni aftur í upphafi Jom kippúr-stríðsins 1973 en Ísrael náði borginni brátt aftur. Ísraelsher hvarf frá borginni í júní 1974 en lagði hana áður nær alveg í rúst. Nú stendur borgin á vopnahlésbelti milli hernámssvæða Ísraels og Sýrlands.
Þann 6. júní 2013 réðust uppreisnarmenn á landamærastöðina Quneitra sem er í nágrenninu og hertóku hana tímabundið, áður en sýrlenski Ba'ath-herinn hertók hana aftur. Í júlí 2013 réðust stjórnarandstöðusveitir á hernaðarstöð í Quneitra og daginn eftir réðust þær á nokkrar stöður sýrlensku Ba'ath-hersins í Quneitra.
Í ágúst 2014 náðu uppreisnarmenn landamærastöðinni á sitt vald. Filippseyskur meðlimur friðargæsluliðs Sameinuðu þjóðanna (UNDOF) særðist í bardögunum. Í kjölfarið tilkynnti austurríska ríkisstjórnin að herlið sitt hefði verið dregið til baka frá SÞ-verkefninu.
Þann 26. júlí 2018 hertók sýrlenski Ba'ath-herinn borgina Quneitra aftur.
Í desember 2024 komst borgin undir stjórn Ísraelsmanna.
