Nýöld
Nýöld kallast það tímabil í mannkynssögunni sem tekur við af miðöldum eða endurreisnartímanum, sé hann talinn sérstakt tímabil. Yfirleitt er nýöld talin hefjast árið 1492, er Kristófer Kólumbus kom til nýja heimsins, en stundum er hún talin hefjast fyrr eða um 1420 með upphafi endurreisnarinnar.
Nýöld skiptist í:
- Árnýöld (frá upphafi nýaldar til upphafs iðnbyltingarinnar um aldamótin 1800)
- Nútíma (frá upphafi iðnbyltingarinnar fram að lokum Síðari heimsstyrjaldarinnar)
- Samtíma (frá lokum Síðari heimsstyrjaldarinnar til dagsins í dag).
Á Íslandi eru endalok miðalda og þar með upphaf nýaldar stundum miðuð við árið 1550 þegar Jón Arason, síðasti kaþólski biskup landsins, var hálshöggvinn ásamt sonum sínum.
