Miðkjörtímabilskosningar í Bandaríkjunum

Úr Wikipediu, frjálsa alfræðiritinu
Jump to navigation Jump to search

Í Bandaríkjunum er kosið til forseta á fjögurra ára fresti en á miðju kjörtímabili forseta eru haldnar svokallaðar miðkjörtímabilskosningar (e. midterm elections). Í þeim kosningum er kosið til löggjafarþings Bandaríkjanna ásamt því að kosið er til embætta á lægri stigum stjórnsýslunnar.

Yfirleitt er litið svo á að þessar miðkjörtímabilskosningar séu ákveðinn dómur á það hvernig sitjandi forseti og sá flokkur sem hefur meirihluta í þinginu hefur staðið sig þangað til. Tveggja flokka kerfi er í Bandaríkjunum, demókratar og repúblikanar verandi þeir flokkar sem skipta með sér völdum, og algengast er að meirihluti færist yfir á minnihlutaflokk í þessum kosningum.

Kjörsókn[breyta | breyta frumkóða]

Kjörsókn miðkjörtímabilskosninga er yfirleitt afar dræm. Svo virðist vera sem fólk hafi minni áhuga á því að taka þátt í miðkjörtímabilskosningum heldur en kosningunum sem haldnar eru á fjögurra ára fresti. Kjörsókn í ár var einstaklega lítil. Fyrir kosningarnar hafði Gallup gert könnun á áhuga almennings á kosningum og komst þá að þeirri niðurstöðu að kjörsókn yrði líkleg til að vera dræm vegna lítils áhuga á kosningunum. Áhugaleysi kjósenda gæti stafað af því að breytingar væru ólíklegar í stjórnsýslu landsins þrátt fyrir að repúblikanar næðu meirihluta í öldungadeild ásamt því að halda meirihluta sæta í fulltrúadeild þar sem forsetinn væri hvort eð er úr flokki demókrata. Hvatinn til að kjósa virðist vera minni þar sem atkvæðin nýttust ekki til stórra breytinga.[1]

Þingkosningar[breyta | breyta frumkóða]

Bandaríkjaþing skiptist í tvær deildir, fulltrúadeild og öldungadeild. Í miðkjörtímabilskosningum er kosið í öll sæti fulltrúadeildarinnar sem eru 435 ásamt því að kosið er í laus sæti í öldungadeildinni

Miðkjörtímabilskosningar 2014[breyta | breyta frumkóða]

Kosningar 2014 voru haldnar þann 4. nóvember. Kosið var til allra 435 sæta fulltrúadeildarinnar og til 36 sæta öldungadeildarinnar. Einnig voru 38 ríkisstjórar kosnir, 46 löggjafasamkomur innan ríkja, löggjafaþing fjögurra landssvæða undir stjórn Bandaríkjanna voru endurnýjuð ásamt því að kosið var um ýmis mál innan ríkja eða sýslna Bandaríkjanna.

Í kosningunum árið 2012, þar sem Barack Obama var endurkjörinn forseti Bandaríkjanna, hafði Repúblikanaflokkurinn haldið meirihluta í fulltrúadeild þingsins á meðan demókratar höfðu haldið meirihluta í öldungadeildinni.

Árið 2014 náðu repúblikanar hins vegar meirihluta í öldungadeildinni og eiga nú 52 sæti þar á meðan demókratar eiga 45. Hvað varðar fulltrúadeild þingsins juku repúblikanar enn á forskot sitt en niðurstöður kosninganna þýða að 243 sæti deildarinnar tilheyra repúblikönum en Demókratar eiga 181 sæti.[2]

Af þeim 36 ríkisstjórasætum sem kosið var um í miðkjörtímabilskosningum 2014 fengu repúblikanar 24 ríkisstjóra en demókratar 11 ríkisstjóra.

Heimildir[breyta | breyta frumkóða]

  1. http://www.gallup.com/poll/179147/voters-especially-independents-lack-interest-election.aspx
  2. http://elections.nytimes.com/2014/results/house?utm_source=top_nav&utm_medium=web&utm_campaign=election-2014