Knattspyrna

Úr Wikipediu, frjálsa alfræðiritinu
(Endurbeint frá Miðjumaður (knattspyrna))
Jump to navigation Jump to search
Leikmaðurinn í rauðu hefur brotist gegnum vörn hins liðsins og býst til að skjóta knettinum í markið.
Fagnaðarlæti stuðningsmanna liðs í Argentínu.

Knattspyrna eða fótbolti er boltaíþrótt þar sem farið er eftir 17 reglum sem voru staðfestar af Alþjóðaknattspyrnustjórninni IFAB þegar hún var stofnuð árið 1886. Knattspyrna er leikin með knetti af tveimur allt að 11 manna liðum (með markmanni) sem reyna að sigra hitt liðið með því að skora fleiri mörk en andstæðingarnir á leiktíma sem venjulega er 90 mínútur. Til að skora mark þarf að spyrna boltanum inn í mark andstæðinganna. Ef mark er skorað í eigin mark kallast það sjálfsmark. Leikmenn mega ekki snerta boltann með hönd sinni, en markmaðurinn er undantekning. Hann má verja boltann með höndunum á afmörkuðu svæði sem kallast vítateigur.

Alþjóðaknattspyrnusambandið er alþjóðasamband knattspyrnunnar. Það er oft kallað FIFA eftir skammstöfun heitis þess á frönsku (Fédération Internationale de Football Association). FIFA skipuleggur heimsbikarmót í knattspyrnu í karla- og kvennaflokki á fjögurra ára fresti. Heimsmeistaramót landsliða í knattspyrnu karla hefur farið fram á fjögurra ára fresti frá árinu 1930, nema í tvö skipti: 1942 og 1946 þegar mótið var fellt niður vegna Síðari heimsstyrjaldar. Um 190-200 landslið keppa í heimshlutamótum til að öðlast þátttökurétt á heimsmeistaramótinu þar sem 32 lið keppa í 4 vikur um heimsmeistaratitil. Heimsmeistaramót FIFA er eitt vinsælasta íþróttamót heims og fær meira áhorf en Ólympíuleikarnir. Heimsmeistaramót landsliða í knattspyrnu kvenna hefur verið haldið á fjögurra ára fresti frá 1991. 1,12 milljarðar áhorfenda fylgdust með heimsmeistaramóti kvenna 2019 í Frakklandi, sem var met.

Álfukeppnir eins og Evrópumótið í knattspyrnu karla og Copa América eru vinsælustu álfukeppnirnar.

Þekktasta íþróttamót knattspyrnuliða í Evrópu er Meistaradeild Evrópu í kvenna- og karlaflokki, sem er sýnd í sjónvarpi um allan heim. Úrslitakeppnin í karlaflokki hefur verið það íþróttamót sem fær mest áhorf á heimsvísu. Þekktustu efstu deildir knattspyrnuliða í heimi eru Enska úrvalsdeildin (Premier League), Spænska úrvalsdeildin (La Liga), Þýska úrvalsdeildin (Bundesliga), Ítalska úrvalsdeildin (Serie A) og Franska úrvalsdeildin (Ligue 1). Í þessum deildum leika bestu knattspyrnumenn heims og samanlögð laun þeirra eru yfir 600 milljónir punda.

Grunnreglur fótboltans

Leikvöllurinn

Fótboltavöllur

Leikurinn skal vera spilaður á grænu undirlagi en annars skal tilkynna mótherja um annað vallarval.[1]

Fótboltavöllurinn skal vera rétthyrndur og mörk hans merkt. Tvær lengri hliðar vallarins eru kallaðar hliðarlínur og styttri línurnar eru kallaðar markalínur. Miðlína liggur þvert á völlinn á milli miðpunkta hliðarlínanna. Miðpunktur hennar er vallarmiðja sem jafnframt er miðpunktur hrings með 9,15 metra radíus.

Hliðarlínur eiga í öllum tilvikum að vera lengri en markalínurnar. Stærð valla í landsleikjum er 100-110 metrar að lengd og 64-75 metrar að breidd. Leikir á vegum Knattspyrnusambands Íslands eru spilaðir á völlum með 68 metra breidd og 105 metra lengd.[2] Stærð vallarins má breyta í öðrum tilvikum.

Mark á að vera staðsett við miðju markalína. Mark samanstendur af tveimur lóðréttum stöngum sem eru samtengdar láréttri stöng efst. Lóðréttu stengurnar marksúlur, eru 2.44 metrar og lárétta stöngin markslá er 7.32 metrar. Bæði marksúlur og markslá eiga að vera að hámarki 12 cm að breidd og hvítar að lit. Þær eiga að vera úr viði, málmi eða öðru samþykktu efni. Þær eiga að vera rétthyrndar, kassalaga, hringlaga eða spöröskjulaga og mega alls ekki vera hættulegar leikmönnum. Markið í heild sinni verður að vera örugglega fest við jörðu og færanleg mörk má aðeins nota ef þau uppfylla þetta skilyrði.

Tvær línur eru dregnar frá markalínu, 5.5 metra frá marksúlu, samsíða hliðarlínum. Þær eru 5.5 metra langar og á milli enda þeirra er lína samsíða markalínunni. Þetta afmarkaða svæði kallast markteigur.

Aðrar tvær línur eru dregnar 16.5 metra frá marksúlu, samsíða hliðarlínum. Þær eru 16.5 metra langar og á milli enda þeirra er lína sem er samsíða markalínunni. Þetta afmarkaða svæði kallast vítateigur.

Við horn vallarins, þar sem markalínur og hliðarlínur mætast, skal vera fáni sem er ekki minni en 1.5 metrar. Á sama stað skal vera hornbogi með 1m radíus frá fánanum. Hornfáni við miðlínu er valkvæður. Merkingar mega vera utan vallarins á þessum stað.

Boltinn

Boltinn er kúlulaga með 68-70 cm þvermál og vegur á milli 410 og 450 grömm. Loftþrýstingur í boltanum skal jafngilda 0.6 - 1,1 loftþyngd við sjávarmál. Ef bolti verður ónothæfur við leik, þá er leikurinn stöðvaður og varabolti er settur á sama stað og boltinn sem varð ónothæfur var á. Ef taka á vítaspyrnu, markspyrnu eða álíka, þá er varaboltinn settur inná samkvæmt þeim reglum. Ekki má skipta út bolta án leyfis frá dómara. Boltar sem eru notaðir í keppnum FIFA, þurfa að vera merktir og staðfestir af FIFA. Auk þess eiga allar keppnir FIFA, og knattspyrnusamtaka, sem undir það heyra, að nota bolta sem er ekki merktur á annan hátt en þann að bera merki keppninnar og framleiðandans.

Fjöldi leikmanna

Fjöldi leikmana á að vera 11 hið mesta og í minnsta lagi 7. Einn leikmaður er markvörður. Ekki er heimilt að byrja leik með færri leikmönnum en sjö eða fleiri en 11. Í keppnum FIFA eða knattspyrnusamtaka sem heyra undir það, má hámarki skipta varamönnum inn á þrisvar sinnum í leik. Fjöldi varamanna sem eru heimilaðir á varamannabekk, eru ákvarðaðir af þeim knattspyrnusamtökunum sem við á. Í alþjóðlegum leikjum eru hámark sex leikmenn á varamannabekk, nema samkomulag ríki milli beggja liða sem keppa og dómari viti af ákvörðun liðanna. Í öllum tilfellum á að tilgreina leikmenn á varamannabekk áður en leikur hefst.

Þegar leikmanni er skipt inná er dómari fyrst látinn vita af skiptingunni og hann stöðvar leikinn. Hann gefur leikmanni á vellinum merki um að koma að hliðarlínunni og fara útaf. Þegar að leikmaðurinn er farinn út af fer leikmaðurinn sem skipta á inná á völlinn frá hliðarlínu og við það telst skiptingunni lokið. Leikmaður, sem hefur verið skipt útaf, tekur ekki frekar þátt í leiknum og allir varamenn fylgja fyrirmælum dómara. Leikur er jafnframt stöðvaður, ef að útileikmaður er færður í markmannsstöðu.

Fari leikmaður inn á völlinn án leyfis dómara er leikurinn stöðvaður. Dómarinn gefur leikmanninum viðvörun og leikurinn heldur áfram með aukaspyrnu. Ef að leikmaður skiptir við markmann án leyfis dómara heldur leikurinn áfram, en leikmennirnir tveir eru viðvaraðir. Einungis má skipta inn leikmenn í hópi varaleikmanna.

Búnaður leikmanna

Leikmaður má ekki bera neinn búnað sem er hættulegur honum sjálfum eða öðrum leikmönnum. Grunnbúnaður leikmanns samanstendur af ermabol, stuttbuxum, sokkum, skóm og legghlífum. Bolur, stuttbuxur og ermar bolsins þurfa ekki endilega að vera í sama lit. Allir leikmenn liðsins að markmanni undanskildum, eiga að vera í eins búningi. Auk þess er aðildarfélögum KSÍ heimilt að leggja bann við takkaskóm.[1] Ef að legghlífar eru notaðar, þá eiga þær að vera að fullu faldar bak við sokka leikmanns. Markmaður skal bera liti sem aðgreina hann frá öðrum leikmönnum, dómara og aðstoðardómurum. Ef þessum reglum er ekki fylgt er dómara heimilt að vísa leikmanni tímabundið af velli á meðan lausn er fengin á vandamálinu.

Dómari

Dómari sér um að reglum fótboltans sé framfylgt á þeim leik sem hann hefur verið skipaður á. Hann stjórnar leik í samvinnu með aðstoðardómara. Honum er heimilt að stöðva, fresta eða hætta við leik vegna utanaðkomandi truflunar eða vegna brota á grunnreglum fótboltans. Hann leggur mat á meiðsli leikmanna og bíður með að senda smávægilega meidda leikmenn af velli. Leikmenn með blæðandi sár er þó ávallt hleypt rakleiðis af velli og fá ekki að koma aftur á völlinn fyrr en blæðing hefur stöðvast.

Þegar brot eiga sér stað og liðið sem brotið var á er með boltann leyfir dómari leiknum að halda áfram. Refsað er leikmanni sem brýtur á sér oftar en einu sinni í einu, háskalegar athafnir og starfsmönnum sem sýna ekki ábyrgð. Hann hleypir ekki utanaðkomandi persónu á völlinn og setur leik að nýju. Hann er tímastjórnandi leiksins og er oft sá sem er ábyrgur fyrir að senda leikskýrslu til knattspyrnusambandsins. Heimalið leiksins í keppni innan KSÍ eru þó ábyrg að senda leikskýrslur utan úrvalsdeildar karla og kvenna.[1] Allar ákvarðanir dómara eru endanlegar og er ekki breytt nema eftir að dómarinn hafi ráðgefið sig við aðstoðardómara.

Heimilt er að notast við tvo aðstoðardómara í leik. Þeir senda merki til dómara. Í þeim tilfellum þegar boltinn fer út fyrir völlinn segja þeir dómara til um hvort liðið eigi kröfu á innkasti, hornspyrnu eða markspyrnu, eftir því sem við á. Þeir láta vita af rangstöðu. Jafnframt láta þeir dómara vita af atvikum sem gerast utan vallarins eða eru utan sjónsviðs hans eins og skiptingar eða brot. Aðstoðardómari heyrir undir dómara.

Frá 2017 hefur myndbandadómgæsla verið notuð í ríkari mæli. Þá fær aðaldómari skilaboð frá nokkrum aðstoðardómurum sem sitja við skjá og greina leikinn. Aðaldómari getur einnig skoðað sjálfur atvik í skjá við völlinn ef hann telur þörf á.

Fótboltalið

Í fótbolta er þrenn möguleg úrslit. Í leik þar sem annað liðið hefur skorað fleiri mörk en andstæðingurinn kallast leikurinn unninn, og það lið fær ýmist 2 eða 3 stig fyrir það afrek. Sé leikurinn hins vegar, með jafn mörgum mörkum frá báðum liðum vallarins kallast jafntefli og bæði lið fá eitt stig. Engin stig eru þó veitt í útsláttakeppnum, þar gildir að það lið sem sigrar heldur áfram í næstu umferð. Framlenging og loks vítaspyrnukeppni er gripið til ef leikurinn er jafn.

Fótbolti er einn af vinsælustu íþróttum í heimi. Samkvæmt tölum Fifa, sem er yfirstjórn knattspyrnu í heiminum, spila yfir 265 milljónir manna í yfir 200 löndum fótbolta. Skipulagðir leikir eru spilaðir af 38 milljónum um allan heim í meira en 325 þúsund knattspyrnuklúbbum. 207 lönd og sjálfstjórnarsvæði eru meðlimir FIFA. Einungis þarf nokkrar grundvallarreglur og lítinn útbúnað til þess að iðka íþróttina. Nóbelsverðlaunahafinn Albert Camus sagði: "Allt sem ég veit með öryggi um siðferði og ábyrgð, á ég að þakka fótboltanum".

Félagslið

Fótbolti er ýmist spilaður í fótboltaklúbbum eða sem áhugamannaíþrótt. Fótboltaklúbbar eru félög sem spila á móti öðrum klúbbum í deild innan síns eigin lands. Oft eru margar deildir í einu landi, þar sem liðunum er skipt eftir því hversu vel liðið spilar. Auk fótboltaliðs starfa hjá félaginu þjálfarar, sjúkraþjálfarar og búningastjóri. Þjálfarar sjá um að kenna leikmönnum um þá tækni og færni sem notuð er í fótbolta. Sjúkraþjálfarar sjá um meiðsli leikmanna og búningastjórn sér um að allir búningar félagsins séu í röð og reglu. Áhugamenn hinsvegar, spila frekar upp á skemmtunina og þeim áhuga sem þeir hafa fyrir íþróttinni. Áhugamenn fá ekki greitt fyrir vinnu sína úti á vellinum, ólíkt atvinnumönnum í fótboltaklúbbum. Þessi laun, sem að atvinnumenn fá eru fengin með styrktarsamningum fyrirtækja, verðlaunafé við það að vinna keppnir og í sumum tilfellum fé frá eigendum liðsins.

Landslið

Auk félagsliða og áhugamannaliða eru starfrækt landslið. Landslið eru lið, þar sem óskað er eftir kröftum leikmanna sem hafa ríkisborgararétt í viðkomandi landi. Landsliðum er stjórnað af knattspyrnusamböndum, hvers lands fyrir sig, sem jafnframt stjórna fyrirkomulagi deildarleikja landsins. Landsliðum er skipt upp innan hvers lands eftir aldri. Unglingalið landsliðsins eru ýmist undir 17 ára, undir 19 ára, undir 21 árs og undir 23 ára. Ekki er þörf á að öll þessi landslið séu virk, og í raun er algengast að haldið sé út landsliðum aðeins í undir 17 ára, undir 19 ára og undir 21 árs. Aðallið landsliðs, getur þó alltaf kallað leikmenn sem eru á þessum aldri, nema að ákvörðun knattspyrnusambandsins sé önnur.

Áhorfendur

Áhorfendur eru fólk sem mætir á leikvanga, þar sem liðið spilar til þess að horfa á leikinn og styðja sitt lið. Auk þess er jafnframt til að áhorfendur fylgist með sínum liðum í sjónvarpi, með sjónvarpsútsendingum. Mismikill áhugi er þó á fótboltaliðum eftir kynjum. Fótbolti kvenna er í augum almennings minna umfangs og vinsældir hans minni, en vegna árangurs liða og landsliða hefur áhuginn undanfarið aukist, þá sérstaklega í Bandaríkjunum og Þýskalandi.

Fordómar

  • Á Íslandi: Knattspyrnusamband Íslands setti af stað átakið "Leikur án fordóma" með það að markmiði að útrýma fordómum úr knattspyrnu, sporna gegn einelti og leggja áherslu á heiðarlegan leik.[3] Fyrirliðar úrvalsdeildar karla og kvenna studdu átakið árið 2008, með samstarfsyfirlýsingu um að sýna gott fordæmi.[4]

Sérstakar stofnanir gegn misrétti:

  • Kick It Out: Samtökin hafa stofnað staðal Equality Standard sem knattspyrnufélög fara eftir. Knattspyrnufélögin mynda stefnu gegn fordómum meðal áhorfenda og félagsins sjálfs. Fylgst er með breytingum og árangri.

Fótboltabullur

Ofbeldi í fótbolta hefur verið til frá upphafi hans og verið kennt við fótboltabullur. Þær urðu fyrst að skipulögðum hópum árið 1980 í Ítalíu. Fjölmiðlar hafa verið gagnrýndir fyrir að gefa fótboltabullum gaum og á þann veg efla ofbeldi í fótbolta.[5]

Tölfræði

Markahæstu menn karlaknattspyrnunnar samkvæmt Rec.Sport.Soccer Statistics Foundation (RSSSF) [6]

Uppfært 28/9 2022.

Sæti Leikmaður Fjöldi marka Fjöldi leikja Markahlutfall á leik Ár
1. Fáni Þýskalands Erwin Helmchen 982 575 1,71 1924-1951
2. Fáni AusturríkisFáni TékklandsJosef Bican 948 621 1,53 1931-1955
3. Fáni PortúgalsCristiano Ronaldo 834 1166 0,72 2001-
4. Fáni UngverjalandsFerenc Puskás 808 794 1,02 1943-1967
5. Fáni ArgentínuLionel Messi 807 1040 0.77 2003-
6. Fáni UngverjalandsFerenc Deák 794 510 1,56 1939-1959
7. Fáni BrasilíuRomário 780 1000 0,78 1985-2009
8. Fáni BrasilíuPelé 775 841 0,92 1956-1977
9. Fáni ÞýskalandsGerd Müller 735 793 0,93 1962-1981
10. Fáni HollandsAbe Lenstra 710 752 0,94 1936-1963
11. Fáni EnglandsJoe Bambrick 678 565 1,2 1926-1939
12. Fáni EnglandsJimmy Jones 673 635 1,06 1946-1965
13. Fáni PóllandsFáni ÞýskalandsErnst Willimowski 663 474 1,4 1934-1955
14. Fáni EnglandsTommy Lawton 657+ 742 0,89 1933-1956
15. Fáni UngverjalandsFerenc Bene 630 946 0,67 1961-1979
16. Fáni PóllandsRobert Lewandowski 621 885 0,69 2005-
17. Fáni UngverjalandsGyula Zsengellér 611 641 0,95 1935-1953
18. Fáni PortúgalsFernando Peyroteo 597 369 1,62 1937-1949
19. Fáni PortúgalsEusébio 591 631 0,94 1957-1980
20. Fáni ÞýskalandsUwe Seeler 582 686 0,85 1946-1972
21. Fáni SvíþjóðarZlatan Ibrahimovic 579 989 0,59 1999-
22. Fáni BrasilíuTúlio Maravilha 575 838 0,69 1988-2019
23. Fáni ÞýskalandsFritz Walter 574 572 1,0 1928-1959
24. Fáni ÞýskalandsFranz Binder 569+ 430 1,32 1930-1949
25. Fáni UngverjalandsImre Schlosser 569+ 458 1,24 1905-1928
26. Fáni EnglandsJimmy Greaves 567 812 0,7 1955-1980
27. Fáni EnglandsGlen Ferguson 563 1058 0,53 1987-2011
28. Fáni MexíkósHugo Sánchez 562 956 0,59 1972-1997
29. Fáni PortúgalsJosé Torres 561 615 0,91 1953-1980
30. Fáni UngverjalandsSándor Kocsis 556 537 1,04 1945-1965
31. Fáni EnglandsFred Roberts 554 427 1,3 1924-1934
32. Fáni SkotlandsJames McGrory 549 545 1,01 1918-1935
33. Fáni BrasilíuZico 545 747 0,68 1960-1994
34. Fáni Norður-ÍrlandsBoy Martin 541+ 479 1,12 1930-1947
35. Fáni UngverjalandsFerenc Szusza 541 594 0,91 1941-1960
36. Fáni Norður-ÍrlandsJimmy Kelly 538 951 0,57 1926-1956
37. Fáni SpánarIsidro Lángara 534 433 1,23 1930-1948
38. Fáni EnglandsDixie Dean 531 577 0,91 1923-1940
39. Fáni ÚrúgvæLuis Suárez 529 868 0.61 2005-
40. Fáni UngverjalandsNándor Hidegkuti 526 678 0,78 1942-1958
41. Fáni UngverjalandsJózsef Takács 523 1917-1934
42. Fáni AusturríkisHans Krankl 514 1970-1989
43. Fáni BrasilíuRoberto Dinamite 514 1971-1991
44. Fáni ArgentínuFáni SpánarAlfredo Di Stéfano 514 1945-1966
45. Fáni SvíþjóðarGunnar Nordahl 513 1937-1958
46. Fáni BelgíuJoseph Mermans 509 634 0,8 1932-1960
47. Fáni SkotlandsHughie Gallacher 507 657 0,77 1921-1939
48. Fáni UngverjalandsGyörgi Sárosi 507 592 0,86 1930-1948
49. Fáni EnglandsSteve Bloomer 505 753 0,67 1894-1914
50. Fáni KamerúnRoger Milla 503 905 1967-1996

Markahæstu menn samkvæmt International Federation of Football History & Statistics (IFFHS) [7]

  1. Cristiano Ronaldo: 815
  2. Lionel Messi: 778
  3. Pelé: 765
  4. Romário: 753
  5. Ferenc Puskás: 729
  6. Josef Bican: 720
  7. Jimmy Jones: 647
  8. Gerd Müller: 634
  9. Robert Lewandowski: 627
  10. Eusébio: 622
  11. Joe Bambrick: 616
  12. Glenn Ferguson: 562
  13. Zlatan Ibrahimovic: 559
  14. Fernando Peyroteo: 552
  15. Uwe Seeler: 551
  16. Jimmy McGrory: 550
  17. Alfredo Di Stéfano: 530
  18. György Sárosi: 526
  19. Luis Suárez: 517
  20. Roberto Dinamite: 511
  21. Hugo Sánchez: 507
  22. Imre Schlosser: 504
  23. Franz Binder: 502

Markahæstu menn hjá einu liði í karlaknattspyrnu

Sæti Leikmaður Mörk Leikir M/L Ár Félag
1. Fáni Argentínu Lionel Messi 672 778 0.86 2003-2021 Fáni SpánarBarcelona
2. Fáni BrasilíuPelé 504 496 1.02 1956-1974 Fáni BrasilíuSantos
3. Fáni HollandsAbe Lenstra 500 517 0.88 1933-1955 Fáni HollandsHeerenveen
4. Fáni PortúgalsCristiano Ronaldo 450 438 1.03 2009-2018 Fáni SpánarReal Madrid
5. Fáni ÞýskalandsUwe Seeler 404 476 0.85 1953-1972 Fáni ÞýskalandsHamburger
6. Fáni AusturríkisFáni TékklandsJosef Bican 403 211 1.91 1937-1948 Fáni TékklandsSlavia Praga

Núverandi markahæstu menn karlaknattspyrnunnar

Sæti Leikmaður Fjöldi marka Fjöldi leikja M/L Ár Núverandi félag
1. Fáni PortúgalsCristiano Ronaldo 834 1166 0.72 2001- Fáni EnglandsManchester United
2. Fáni ArgentínuLionel Messi 807 1040 0.77 2003- Fáni FrakklandsPSG
3. Fáni PóllandsRobert Lewandowski 621 885 0.69 2005- Fáni SpánarFC Barcelona
4. Fáni SvíþjóðarZlatan Ibrahimovic 579 989 0.59 1999- Fáni ÍtalíuMilan
5. Fáni ÚrúgvæLuis Suárez 529 867 0.61 2005- Fáni ÚrúgvæClub Nacional de Football
6. Fáni MaldíveyjaAli Ashfaq 488 561 0.87 2001- Fáni MaldíveyjaClub Eagles
7. Fáni FrakklandsKarim Benzema 464 896 0.52 2004- Fáni SpánarReal Madrid
8. Fáni ÚrúgvæEdinson Cavani 444 795 0,56 2005- Fáni EnglandsValencia CF
9. Fáni BrasilíuNeymar 434 689 0.63 2009- Fáni FrakklandsPSG
10. Fáni BrasilíuFred 411 806 0,51 2003- Fáni BrasilíuFluminense
11. Fáni SvartfjallalandsDejan Damjanović 384 766 0,50 1998- Fáni Hong KongKitchee
12. Fáni Bosníu og HersegóvínuEdin Džeko 384 874 0,44 2003- Fáni ÍtalíuInter
13. Fáni KúveitBader Mutawa 373 642 0,58 2002- Fáni KúveitAl Qadsia
14. Fáni SíleEsteban Paredes 367 694 0.53 2000- Fáni SíleCoquimbo Unido
15. Fáni ArgentínuGonzalo Higuaín 365 780 0,46 2005- Fáni BandaríkjanaInter Miami
16. Fáni ParagvæÓscar Cardozo 359 770 0.46 2003- Fáni ParagvæLibertad
17. Fáni BrasilíuHulk 356 704 0.50 2004- Fáni BrasilíuAtlético Mineiro
18. Fáni Kosta RíkaÁlvaro Saborío 352 684 0.51 2001- Fáni Kosta RíkaSan Carlos
19. Fáni SíleHumberto Suazo 350 652 0.54 2000- Fáni SíleLa Serena
20. Fáni FrakklandsBafetimbi Gomis 345 741 0.47 2004- Fáni TyrklandsGalatasaray
21. Fáni ÍsraelsEran Zahavi 343 611 0,56 2006- Fáni HollandsPSV
22. Fáni KólumbíuRadamel Falcao 342 629 0.54 2003- Fáni SpánarRayo Vallecano
23. Fáni BrasilíuVagner Love 341 726 0.47 2002- Fáni DanmerkurMidtjylland
24. Fáni AlsírBaghdad Bounedjah 341 397 0.85 2009- Fáni KatarAl Sadd
25. Fáni Sameinuðu arabísku furstadæmannaSebastián Tagliabue 340 553 0,61 2003- Fáni Sameinuðu arabísku furstadæmannaAl Nassr
26. Fáni EnglandsHarry Kane 338 558 0,61 2009- Fáni EnglandsTottenham
27. Fáni BelgíuRomelu Lukaku 334 612 0,54 2009- Fáni ÍtalíuInter Milan
28. Fáni KatarRodrigo Tabata 332 720 0.47 1997- Fáni KatarAl Sadd
29. Fáni GabonPierre Aubameyang 331 653 0,50 2007- Fáni EnglandsChelsea FC
30. Fáni UngverjalandsNemenja Nikolič 323 594 0,54 2006- Fáni UngverjalandsFehérvár
31. Fáni KatarSebastián Soria 321 969 0,46 2002- Fáni KatarQatar Sport
32. Fáni Austur-KongóDieumerci Mbokani 312 604 0,52 2004- Fáni KúveitKuwait Sport
33. Fáni SvíþjóðarMarkus Berg 312 695 0,45 2002- Fáni SvíþjóðarIFK
34. Fáni TyrklandsBurat Yılmaz 309 706 0,44 2001- Fáni FrakklandsLille
35. Fáni SpánarSoldado 308 742 0,42 2001- Fáni SpánarLevante
36. Fáni FrakklandsAndre Gignac 307 701 0,44 2004- Fáni MexíkósTigres
37. Fáni RúmeníuClaudiu Keşerü 303 689 0,41 2002- Fáni RúmeníuFCSB
38. Fáni SýrlandsOmar Al Somah 300 373 0,80 2008- Fáni Sádí-ArabíuAl Ahli

Leikjahæstu menn karlaknattspyrnunnar

Leikjahæstu menn með meira en 1000 leiki - Uppfært í september 2022

Sæti Leikmaður Staða Fjöldi Leikja Ár
1. Fáni EnglandsPeter Shilton GK 1390 1966-1997
2. Fáni BrasilíuRogério Ceni GK 1234 1990-2015
3. Fáni BrasilíuFabio GK 1184 1997-
4. Fáni PortúgalsCristiano Ronaldo FW 1166 2001-
5. Fáni ÍtalíuGianluigi Buffon GK 1156 1995-
6. Fáni BrasilíuRoberto Carlos DF 1139 1991-2015
7. Fáni SpánarXavi MF 1135 1997-2019
8. Fáni SpánarIker Casillas GK 1119 1998-2020
9. Fáni EnglandsRay Clemence GK 1118 1965-1988
10. Fáni ArgentínuJavier Zanetti DF 1114 1992-2014
11. Fáni JapanYasuhito Endo MF 1105 1998-
12. Fáni Norður-ÍrlandsPat Jennings GK 1095 1963-1986
13. Fáni BrasilíuMarcelinho Paraiba MF 1092 1992-2020
14. Fáni EnglandsTony Ford DF 1082 1975-2001
15. Fáni BrasilíuDjalma Santos DF 1065 1947-1970
16. Fáni SpánarRaúl FW 1064 1994-2015
17. Fáni EnglandsAlan Ball Jr. MF 1057 1960-1984
18. Fáni BrasilíuDani Alves DF 1057 2001-
19. Fáni EnglandsDavid Seaman GK 1046 1982-2004
20. Fáni EnglandsFrank Lampard MF 1044 1995-2017
21. Fáni ÍtalíuPaolo Maldini DF 1041 1984-2009
23. Fáni ArgentínuLionel Messi FW 1040 2003-
22. Fáni WalesRyan Giggs MF 1036 1990-2014
24. Fáni SkotlandsGraham Alexander DF 1025 1991-2012
25. Fáni Norður-ÍrlandsNoel Bailie DF 1024 1989-2011
26. Fáni EnglandsDavid James GK 1023 1989-2014
27. Fáni SpánarAndrés Iniesta MF 1021 2001-
28. Fáni BrasilíuRivaldo MF 1021 1989-2015
29. Fáni SpánarAndoni Zubizarreta GK 1020 1980-1999
30. Fáni BelgíuTimmy Simons DF 1019 1994-2018
31. Fáni HollandsClarence Seedorf MF 1017 1992-2014
32. Fáni EnglandsIan Callaghan MF 1002 1960-1982
33. Fáni SkotlandsTommy Hutchison MF 1001 1965-1994

Leikjahæstu menn hjá einu liði

Sæti Leikmaður Staða Fjöldi Leikja Ár Félag
1. Fáni BrasilíuRogerio Ceni GK 1197 1990-2015 Fáni BrasilíuSão Paulo
2. Fáni Norður-ÍrlandsNoel Bailie DF 1013 1989-2011 Fáni Norður-ÍrlandsLinfield
3. Fáni BrasilíuFabio GK 975 1997- Fáni BrasilíuCruzeiro
4. Fáni WalesRyan Giggs MF 963 1991-2014 Fáni EnglandsManchester United
5. Fáni ÍtalíuPaolo Maldini DF 902 1984-2009 Fáni ÍtalíuMilan
6. Fáni EnglandsIan Callaghan MF 870 1960-1978 Fáni EnglandsLiverpool
7. Fáni EnglandsSteve Perryman DF 866 1969-1986 Fáni EnglandsTottenham
8. Fáni ArgentínuJavier Zanetti DF 858 1995-2014 Fáni ÍtalíuInter
9. Fáni EnglandsTerry Paine DF 808 1956-1979 Fáni EnglandsSouthampton

Núverandi leikahæstu menn

Sæti Leikmaður Staða Fjöldi leikja Ár Núverandi félag
1. Fáni BrasilíuFabio GK 1184 1997- Fáni BrasilíuFluminense
2. Fáni PortúgalsCristiano Ronaldo FW 1166 2001- Fáni EnglandsManchester United
3. Fáni ÍtalíuGianluigi Buffon GK 1156 1995- Fáni ÍtalíuParma
4. Fáni JapanYasuhito Endo MF 1109 1998- Fáni JapanJubilo Iwata
5. Fáni BrasilíuDani Alves DF 1062 2001- Fáni SpánarBarcelona
6. Fáni ArgentínuLionel Messi FW 1040 2003- Fáni FrakklandsPSG
7. Fáni SpánarAndrés Iniesta MF 1024 2001- Fáni JapanVissel Kobe
8. Fáni PortúgalsJoão Moutinho MF 1013 2003- Fáni EnglandsWolverhampton
9. Fáni SvíþjóðarZlatan Ibrahimovic FW 989 1999- Fáni ÍtalíuMilan
10. Fáni SpánarPepe Reina GK 969 1999- Fáni ÍtalíuLazio
11. Fáni SpánarSergio Ramos DF 958 2003- Fáni FrakklandsPSG
12. Fáni KróatíuLuka Modric MF 947 2001- Fáni SpánarReal Madrid
13. Fáni EnglandsJames Milner MF 945 2001- Fáni EnglandsLiverpool
14. Fáni SpánarJoaquín MF 931 1999- Fáni SpánarReal Betis
15. Fáni SpánarDavid Silva MF 922 2001- Fáni SpánarReal Sociedad

Heimild

Heimildir

Wikiorðabókin er með skilgreiningu á orðinu
Wikimedia Commons er með margmiðlunarefni sem tengist
  1. 1,0 1,1 1,2 „Reglugerð KSÍ um knattspyrnumót“. Afrit af upprunalegu geymt þann 21. mars 2012. Sótt 6. desember 2010.
  2. Bæklingur um knattspyrnuleikvanga Geymt 2012-03-21 í Wayback Machine KSÍ
  3. „KSÍ Leikur án fordóma“. Afrit af upprunalegu geymt þann 2. febrúar 2011. Sótt 4. desember 2010.
  4. - Knattspyrnumenn á Íslandi vilja fótbolta án fordóma
  5. „- Hooliganism in European Football“. Afrit af upprunalegu geymt þann 14. júní 2011. Sótt 4. desember 2010.
  6. Prolific Scorers Data RSSSF
  7. IFFHS ALL TIME WORLD'S BEST GOALSCORER RANKING IFFHS