Mesópótamía
| Mesópótamía |
|---|
|
| Efrat – Tígris |
| Assýríufræði |
| Borgir & heimsveldi |
| Súmer: Uruk – Úr – Eridu |
| Kisj – Lagash – Nippur |
| Akkaðaveldi: Akkad |
| Babýlón – Isin – Súsa |
| Assýría: Assur – Nineveh |
| Nuzi – Nimrud |
| Babýlónía – Kaldea – |
| Elamítar – Amorítar |
| Húrrítar – Mitanni – Kassítar |
| Tímatal |
| Konungar Súmer |
| Konungar Assýríu |
| Konungar Babýlón |
| Tungumál |
| Fleygrúnir |
| Súmerska – Akkaðíska |
| Elamíska – Húrríska |
| Goðafræði |
| Enûma Elish |
| Gilgamesarkviða – Marduk |
| Nibiru |
Mesópótamía (úr grísku Μεσοποταμία, „landið milli fljótanna“, af forn-persnesku Miyanrudan og aramísku Beth-Nahrain) er svæði sem liggur á milli ánna Efrat og Tígris í Vestur-Asíu. Hugtakið nær þó yfir víðara árframburðarsvæði sem markast af sýrlensku eyðimörkinni í vestri, arabísku eyðimörkinni í suðri, Persaflóa í suðaustri, Zagrosfjöllum í austri og Kákasusfjöllum í norðri.
Mesópótamía er meðal þeirra svæða þar sem elstu menningarsamfélög heims urðu til. Um 3500 f.Kr. höfðu Súmerar þar yfirráð, þróuðu eitt fyrsta ritmál mannkynssögunnar og sömdu einnig sumar elstu lagaskrár sem vitað er um. Á svæðinu risu síðar mörg af fyrstu ríkjum heims, þar á meðal ríki Akkaða, Babýlóníumanna og Assýringa.
Jarðvegur Mesópótamíu er sérlega frjósamur, sem gerði svæðið vel fallið til landbúnaðar og þéttbýlismyndunar snemma í sögu mannkyns. Svæðið telst hluti af svonefndum frjósama hálfmána og er jafnframt austasti hluti hans. Miklar jarðolíuauðlindir finnast einnig í Mesópótamíu.
Á íslensku hefur Mesópótamía einnig verið nefnd Millifljótaland. Sú þýðing kemur meðal annars fyrir í greinasafni Halldórs Laxness, Upphaf mannúðarstefnu.