Matthías Johannessen

Úr Wikipediu, frjálsa alfræðiritinu
Stökkva á: flakk, leita

Matthías Johannessen (f. 3. janúar 1930) er íslenskt ljóðskáld og rithöfundur.

Matthías fæddist í Reykjavík og varð stúdent frá Menntaskólanum í Reykjavík 1950. Hann stundaði síðan nám við Háskóla Íslands, og árið 1955 lauk hann kandítatsprófi í íslenskum fræðum með bókmenntir sem aðalgrein. Hann hélt síðan til Kaupmannahafnar þar sem hann stundaði framhaldsnám í bókmenntum veturinn 1956-1957.

Fyrsta ljóðabók Matthíasar Borgin hló kom út árið 1958 og vakti töluverða athygli.[1] Síðan hefur hann gefið út tugi ljóðabóka, auk fræðibóka, skáldsagna, smásagnasafna, leikrita og viðtalsbóka.[2][3] Hann var blaðamaður á Morgunblaðinu meðfram háskólanámi og síðar ritstjóri þess á árunum 1959-2000.[4]

Tilvísanir[breyta | breyta frumkóða]

  1. BÓKAÞÁTTUR – Borgin hló, Morgunblaðið, 27. mars 1958, bls. 6
  2. Matthías Johannessen skáld, DV, 24. febrúar 2003, bls. 50
  3. Matthías Johannessen, DV, 3. janúar 1990, bls. 27
  4. Matthías Johannessen lætur af starfi ritstjóra Morgunblaðsins, Morgunblaðið, 31. desember 2000, bls. 1

Tenglar[breyta | breyta frumkóða]

Tengt efni[breyta | breyta frumkóða]

  Þessi æviágripsgrein er stubbur. Þú getur hjálpað til með því að bæta við greinina.