Lappamerla

Lappamerla
Ástand stofns
	Ekki metið (IUCN)
Vísindaleg flokkun
Ríki:	Sveppir (Fungi);
Fylking:	Asksveppir (Ascomycota);
Flokkur:	Diskfléttur (Lecanoromycetes);
Ættbálkur:	Glæðubálkur (Teloschistales);
Ætt:	Glæðuætt (Teloschistaceae);
Ættkvísl:	Merlur (Caloplaca);
Tegund:	Lappamerla (C. tornoensis);
Tvínefni
	Caloplaca tornoensis;

Lappamerla (fræðiheiti: Caloplaca tornoensis) er tegund fléttna af glæðuætt (Teloschistaceae). Hún finnst meðal annars á Íslandi þar sem hún er dreifð um landið að mestu fyrir utan láglendi Sunnanlands. Hún er þó ekki mjög algeng á Íslandi.^[1]

Orðsifjar

Lappamerla dregur latneska heiti sitt af landsvæði lappa í Skandinvaíu.^[1]

Útlit og búsvæði

Lappamerla er hrúðurflétta með gráleitt og hvítt þal. Á þalinu myndast ryðbrúnar og mattar askhirslur sem verða blásvartar, stundum gljáandi við jaðrana.^[1] Hún vex oftast mosa, einkum á mosa yfir klöppum og þá sérstaklega á holtasóta (Andreaea rupestris), en getur einnig vaxið á jurtaleifum og dauðum engjaskófum.^[1]

Átta gró eru í hverjum aski. Flest gróin eru tvíhólfa með þunnum þvervegg, oddbaugótt eða sporbaugótt, 15-21 x 5-8 µm að stærð.^[1]

Efnafræði

Lappamerla inniheldur gula litarefnið parietín í askhirslum.^[1]

Þalsvörun lappamerlu er K- en K+ vínrauð í askhirslum, C-, KC- og P-.^[1]

Tilvísanir

↑ ^1,0 ^1,1 ^1,2 ^1,3 ^1,4 ^1,5 ^1,6 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8

[HK2016-1] 1,0 ^1,1 ^1,2 ^1,3 ^1,4 ^1,5 ^1,6 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8

[1]