Lögin úr leikritinu Kardemommubænum

Úr Wikipediu, frjálsa alfræðiritinu
Jump to navigation Jump to search
Kardemommubærinn
Forsíða Lögin úr leikritinu Kardemommubænum

Bakhlið Lögin úr leikritinu Kardemommubænum
Bakhlið

Gerð EXP-IM 71
Flytjandi Leikarar Þjóðleikhússins, hljómsveit undir stjórn Carl Billich
Gefin út 1960
Tónlistarstefna Barnaleikrit með söngvum
Útgáfufyrirtæki Íslenzkir tónar

Kardemommubærinn er 45-snúninga hljómplata gefin út af Íslenzkum tónum árið 1960. Á henni eru 13 lög úr sýningu Þjóðleikhússins á Kardemommubæ Thorbjörn Egner frá 1960. Þýðing var í höndum Helgu og Huldu Valtýsdætra, ljóðaþýðingu gerði Kristján frá Djúpalæk og leikstjóri var Klemens Jónsson. Hljómsveitarsjóri var Carl Billich og sögumaður Róbert Arnfinnsson. Platan er hljóðrituð í mono. Upptaka: Ríkisútvarpið. Ljósmyndir á bakhlið: S. Vignir. Pressun: AS Nera í Osló. Prentun: ÞEGG.

Lagalisti[breyta | breyta frumkóða]

  1. Forleikurinn
  2. Vísa Bastíans bæjarfógeta
  3. Kardemommuvísan
  4. Heyrið lagið hljóma
  5. Vísa Sörensens rakara
  6. Vísa Soffíu frænku
  7. Kardemommulagið
  8. Hvar er húfan mín - Hljóðdæmi 
  9. Við læðumst hægt
  10. Ja, fussum svei - Hljóðdæmi 
  11. Við höldum heim á leið
  12. Brunalagið
  13. Húrrasöngur

Flytjendur á plötu[breyta | breyta frumkóða]

Uppfærsla Þjóðleikhússins á Kardemommubænum 1960 varð feykivinsæl. Sýningar urðu alls 75 og um 46.000 manns sáu verkið.[1] Ræningjana léku Ævar Kvaran, Baldvin Halldórsson og Bessi Bjarnason. Róbert Arnfinnsson lék bæjarfógetann, Emilía Jónasdóttir lék Soffíu frænku og Kamillu litlu lék Emilía Ólafsdóttir. Aðrir leikarar sem koma fram á plötunni eru Helgi Skúlason, Anna Guðmundsdóttir og Þorgrímur Einarsson. Félagar úr Sinfóníuhljómsveit Íslands leika undir stjórn Carl Billich og barnakór og aðrir leikarar syngja með.

Heimildir[breyta | breyta frumkóða]

  1. Æskan, 1. nóvember 1962, bls. 241.