Auður (tónlistarmaður)

Auður
Upplýsingar
Uppruni	Reykjavík, Íslandi
Ár virkur	2016–í dag
Stefnur	Popp
Vefsíða	https://www.auduraudur.com/

Auður (f. 9. febrúar 1993) er sviðsnafn íslenska tónlistarmannsins Auðuns Lútherssonar. Auður spilaði á dönsku tónlistarhátíðinni Hróarskeldu árið 2019. Á Íslensku tónlistarverðlaununum árið 2020 hlaut Auður þrenn verðlaun; popplag ársins (Enginn eins og þú), söngvari ársins og flytjandi ársins.

Æviágrip

Árið 2011 var Auðunn í sigurliði Menntaskólans í Reykjavík í rökræðukeppninni Morfís þ.s. umræðuefnið var frjálshyggja. Árið 2014 var leikverkið Heili hjarta typpi eftir Auðunn og frænda hans Ásgrím Gunnarsson frumsýnt í Gaflaraleikhúsinu í Hafnarfirði. Auður samdi við höfundarrétarfyrirtækið IMAGEM MUSIC árið 2016. Árið 2016 var Auður fyrsti Íslendingurinn til þess að vera valinn í hina margverðlaunuðu akademíu Red Bull Music Academy. Árið 2018 skrifaði Auður undir plötusamning við Sony Music í Danmörku. Auður samdi tónlistina fyrir leikverkið Kópavogskrónika uppúr samnefndri bók Kamillu Einarsdóttur og var frumsýnt árið 2020 í Þjóðleikhúsinu.

Einkalíf

Auður er yngri bróðir sundkonunnar Hrafnhildar Lúthersdóttur.

Útgefið efni

Auður á tónleikum árið 2020.

Breiðskífur

• Alone (2017)
• Afsakanir (2018)
• Útvarp Úlala (2023)

Smáskífur

• I'd Love (2017)
• Enginn eins og þú (2019)
• Just a while (2019) ásamt Sturlu Atlas
• Hún veit hvað ég vil (2020) ásamt Mezzoforte
• Ljós (2020)
• Týnd og einmana (2020)
• Frosið sólarlag (2020) ásamt gugusar
• Fljúgðu burt dúfa (2020)
• Venus (2021)

Birtist á

• Skólarapp (2017)
• Hvað ef (2018) með GDRN
• This is Icelandic Indie Music Vol. 4 (2018)
• Frá mér til þín (2020) með Ouse
• Í miðjum kjarnorkuvetri (2020) með JóaPé og Króla

Verðlaun

• 2018 - Kraumsverðlaunin (Árleg plötuverðlaun Kraums tónlistarsjóðs) - Afsakanir
• 2020 - Íslensku tónlistarverðlaunin
  • Popplag ársins (Enginn eins og þú)
  • Söngvari ársins
  • Flytjandi ársins