Geirmundur Valtýsson

Úr Wikipediu, frjálsa alfræðiritinu
Stökkva á: flakk, leita

Geirmundur Valtýsson (fæddur 13. apríl 1944) er íslenskur tónlistarmaður, bóndi á Geirmundastöðum og fyrrverandi starfsmaður Kaupfélags Skagfirðinga á Sauðárkróki , þar sem hann starfaði í yfir þrjá áratugi. Hann er stundum kallaður „sveiflukóngurinn“ og tónlistin sem hann flytur er stundum flokkuð sem „skagfirsk sveifla“.

Geirmundur hefur staðið á sviði frá árinu 1958, þegar hann var 14 ára gamall og verið síðan einn afkastamesti tónlistarmaður landsins. Árið 2008 hélt Geirmundur upp á 50 ára „bransaafmæli“ í íþróttahúsinu á Sauðárkróki þar sem hann troðfyllti íþróttahúsið og mörghundruð manns mættu, fram komu þar ásamt honum meðal annars þau Helga Möller, Magnús Kjartansson og Guðrún Gunnarsdóttir.

Tvisvar hefur Geirmundur unnið Þjóðhátíðarlagakeppnina, árið 1991 með "Þjóðhátíð í Eyjum" sem hann flutti ásamt Eyjólfi Kristjánssyni, og svo 1998 með lagið "Við erum öll á þjóðhátíð" sem hann flutti ásamt Guðbjörgu Ingólfsdóttur.

Önnur plata Geirmundar "Á fullri ferð" var ein sú farsælasta, og þegar hún hafði selst í 3.000 eintökum, hlutu þeir sem fram komu á plötunni, plötuna í gulli, en það var Rás2 sem veitti gullplötuna í beinni útsendingu rétt fyrir jólin 1991.

Plötur:[breyta | breyta frumkóða]

- "Í syngjandi sveiflu" (1989)

- "Á fullri ferð" (1991)

- "Geirmundur" (1993)

- "Lífsdansinn - Bestu lög Geirmundar Valtýssonar" (1995)

- "Bros" (1997)

- "Dönsum" (1999)

- "Alltaf eitthvað nýtt" (2002)

- "Ort í sandinn" (2003)

- "Látum sönginn hljóma" (2004)

- "Nú er ég léttur" (2005) - Safnplata

- "Jólastjörnur Geirmundar Valtýssonar" (2013)

- "Skagfirðingar syngja" (2015)

Þekkt lög:[breyta | breyta frumkóða]

  • „Nú er ég léttur“
  • „Lífsdansinn“
  • „Með vaxandi þrá“
  • „Þjóðhátíð í Eyjum“