Flugslysin á Mosfellsheiði

Úr Wikipediu, frjálsa alfræðiritinu
Jump to navigation Jump to search
Sikorsky HH-3E Jolly Green Giant, sama tegund og varnarliðsþyrlan sem fórst.

Flugslysin á Mosfellsheiði voru tvö flugslys sem urðu með um 4 klukkustunda millibili þann 18. desember 1979 á Mosfellsheiði með þeim afleiðingum að 11 manns slösuðust.[1] Fyrra slysið varð þegar flugvél af gerðinni Cessna 172, með fjóra innanborðs, brotlenti á heiðinni. Síðara slysið varð þegar Sikorsky HH-3E björgunarþyrla frá Varnarliðinu á Keflavíkurflugvelli[2], með 3 slasaða úr fyrra slysinu, 2 íslenska lækna og 5 manna bandarískri áhöfn hrapaði um 200 metra frá fyrri slysstaðnum.[3]

Slysin[breyta | breyta frumkóða]

Um kl 15:20 var tekið að sakna flugvélar af gerðinni Cessna 172, TF-EKK, en um borð í henni voru franskur flugmaður, Nýsjálendingur og tvær finnskar stúlkur sem störfuðu sem sjúkraþjálfarar á Reykjalundi. Skömmu seinna fannst hún á heiðinni, skammt sunnan Þingvallarvegarins, þar sem hún hafði brotlent og hafnað á hvolfi. Þyrla frá Varnarliðinu á Keflavíkurflugvelli fór á vettvang og flutti flugmann vélarinnar til Reykjavíkur. Eftir að hafa tekið tvo lækna Borgarspítalans og eldsneyti hélt þyrlan aftur á slysstaðinn til að sækja Finnana og Nýsjálendingin. Stuttu eftir að þyrlan hóf sig aftur á loft frá slysstaðnum missti hún afl og hrapaði til jarðar um 200 metra frá flaki Cessna vélarinnar.[3] Eftir seinna slysið voru hinir slösuðu bornir um 1-1,5 km leið að sjúkrabílum sem fluttu þá á Borgarspítalann.[4]

Heimildir[breyta | breyta frumkóða]

  1. „Kraftaverk að neistaeldurinn skyldi slokkna". Dagblaðið. 19. desember 1979. Skoðað 22. maí 2018.
  2. „Sérfræðingar komnir til að rannsaka þyrluslysið". Morgunblaðið. 22. desember 1979. Skoðað 22. maí 2018.
  3. 3,0 3,1 „Ellefu á sjúkrahús eftir tvö flugslys". Morgunblaðið. 19. desember 1979. Skoðað 22. maí 2018.
  4. „Allt tiltækt lið kallað út á sjúkrahúsin". Morgunblaðið. 19. desember 1979. Skoðað 22. maí 2018.