Ertuygla

Ceramica pisi
	;
Vísindaleg flokkun
Ríki:	Dýraríki (Animalia);
Fylking:	Liðdýr (Arthropoda);
Undirfylking:	Hexapoda;
Flokkur:	Skordýr (Insecta);
Ættbálkur:	Hreisturvængjur (Lepidoptera);
Yfirætt:	Noctuoidea;
Ætt:	Ygluætt (Noctuidae);
Undirætt:	Hadeninae;
Ættkvísl:	Ceramica;
Tegund:	C. pisi;
Tvínefni
	Ceramica pisi; Linnaeus, 1758
Samheiti
	Melanchra pisi;

Ertuygla^[1] (fræðiheiti Melanchra pisi eða Ceramica pisi) er mölfluga sem lifir á jurtum af ertublómaætt. Ertuygla hefur sést í auknum mæli á Íslandi frá aldamótum. Hún er algeng um sunnanvert Ísland. Fullorðin fiðrildi eru á ferli á vorin og fyrri hluta sumars og verpa þá og lirfur klekjast úr eggjum. Í ágúst ná lirfurnar fullum vexti, hverfa niður í gróðursvörðinn og púpa sig. Fullþroska fiðrildi skríða úr púpunum að vetri loknum. Vænghafið er 32–37 mm.

Lirfan hélt sig hérlendis í fyrstu einkum við lúpínu^[2] en hefur síðari ár orðið skaðvaldur í skógrækt einkum hvað varðar víði, greni og ösp. Lirfum er eytt með breiðvirku eitri eins og Permasect sem drepur skordýr eða sérvirkum bakteríum sem hafa eingöngu áhrif á fiðrildalirfur eins og Bt (Bacillus thuriengensis).

Ertuygla er skyld grasyglu.