Ertublómaætt

Úr Wikipediu, frjálsa alfræðiritinu
Ertublómaætt
Gullkollur (Athyllis vulneraria) er ein tegunda ertublómaættar sem vex á Íslandi.
Gullkollur (Athyllis vulneraria) er ein tegunda ertublómaættar sem vex á Íslandi.
Vísindaleg flokkun
Ríki: Jurtaríki (Plantae)
Fylking: Dulfrævingar (Magnoliophyta)
Flokkur: Tvíkímblöðungar (Magnoliopsida)
Undirflokkur: Rosidae
Ættbálkur: Belgjurtabálkur (Fabales)
Ætt: Ertublómaætt (Fabaceae)

Ertublómaætt (latína: Fabaceae) eða belgjurtaætt er ætt blómplantna sem inniheldur belgjurtir. Ættin inniheldur tré, runna, fjölærar- og einærar jurtkenndar plöntur. Auðvelt er bera kennsl á plöntu af ertublómaætt á aldinum þeirra sem eru belgir.

Ertublómaætt er þriðja stærsta ætt plantna í fjöldi tegunda á eftir brönugrasaætt (Orchidaceae) og körfublómaætt (Asteraceae), með 751 ættkvísl og um 19.000 tegundir.[1][2]

Í ertublómaætt er að finna tegundir sem mikið eru notaðar í landbúnaði og sem matvæli fyrir menn, þar á meðal sojabaunir, belgbaunir, ertur, kjúklingabaunir, alfalfa, jarðhnetur og lakkrís.

Í ættinni er einnig að finna plöntur sem eru skaðvaldar víðsvegar um heiminn, til dæmis gullsóp (Cytisus scoparius), fuglabelgtré (Robinia Pseudoacacia), hvinviður (Ulex europaeus), kúsú (Pueraria montana) og lúpínutegundir, meðal annars alaskalúpína (Lupinus nootkanensis) sem hefur orðið ágeng hér á landi.

Tilvísanir[breyta | breyta frumkóða]

  1. Christenhusz, M. J. M.; Byng, J. W. (2016). „The number of known plants species in the world and its annual increase“. Phytotaxa. 261 (3): 201–217. doi:10.11646/phytotaxa.261.3.1.
  2. Stevens, P. F. „Fabaceae“. Angiosperm Phylogeny Website. Version 7 May 2006. Sótt 28. apríl 2008.
Wikilífverur eru með efni sem tengist
  Þessi grasafræðigrein er stubbur. Þú getur hjálpað til með því að bæta við greinina.