Doktorsritgerð
Doktorsritgerð er ítarleg lokaritgerð eða safn nokkurra ritgerða, sem samdar eru af doktorsnema undir handleiðslu prófessors og lagðar fram til doktorsprófs. Doktorsnemi ver loks ritgerð sína í svokallaðri doktorsvörn og hlýtur doktorsnafnbót að lokinni árangursríkri doktorsvörn.
Saga doktorsritgerðarinnar á Íslandi
[breyta | breyta frumkóða]Björg Þorláksdóttir Blöndal varð þann 17. júní 1926 fyrst íslenskra kvenna til að ljúka doktorsprófi er hún varði doktorsritgerð sína við Sorbonne-háskóla í París. Þann 16. janúar árið 1960 varði kona (Selma Jónsdóttir listfræðingur) doktorsritgerð sína í fyrsta skiptið á Íslandi við Háskóla Íslands.
Dæmi um doktorsritgerðir
[breyta | breyta frumkóða]- Kristján Eldjárn lauk doktorsprófi árið 1957 og nefnist ritgerð hans Kuml og haugfé í heiðnum sið á Íslandi. Varði hann ritgerð sína þann 19. janúar hið sama ár.
- Frá árunum 1908 til 1910 vann Guðmundur Finnbogason að doktorsritgerð sinni með einum eða öðrum hætti, en ritgerðin hét „Den sympatiske forstaaelse“ eða Samúðarskilningurinn.
