Bergþór Másson

Bergþór Másson
Fæddur	Bergþór Másson 3. júlí 1995 (1995-07-03) Reykjavík, Ísland
Störf	Hlaðvarpsstjórnandi
Ár virkur	2014–í dag
Þekktur fyrir	12:00 Skoðanabræður Kraftbirtingarhljómur guðdómsins
Ættingjar	Snorri Másson (bróðir)

Bergþór Másson (f. 3. júlí 1995) er íslenskur hlaðvarpsstjórnandi.

Bergþór starfaði um árabil sem umboðsmaður fyrir rapparann Birni og tónlistar dúó-ið ClubDub en lét af störfum í ágúst 2022.

Hlaðvörp

Skoðanabræður

Bergþór er annar helmingur hlaðvarpsins Skoðanabræður sem hefur notið vinsælda á Íslandi seinustu ár eða alveg frá því að það byrjaði í apríl 2019.^{[óvirkur tengill]} Hann stjórnar því ásamt Jóhanni Kristófer Stefánssyni, betur þekktur sem Joey Christ, en áður hafði Snorri Másson, bróðir Bergþórs, stjórnað því með honum. Þeir hafa gefið út yfir 200 þætti. Í þáttunum er farið yfir öll helstu mál í heiminum og oft fengið gesti og rýnt í skoðanir þeirra.

Kraftbirtingarhljómur guðdómsins

Frá febrúar 2020 til júlí 2021 gaf Bergþór út hlaðvarpið Kraftbirtingarhljómur guðdómsins. Hann hlaut verðlaun fyrir þá sem framlag til íslenska tónlistargeirans. Kraftbirtingarhljómur guðdómsins er nokkurs konar heimild um sögu rapps á Íslandi en gefið út í formi hlaðvarps og finnst á öllum helstu streymisveitum. Gefnir voru út 38 þættir þar sem rætt er við mismunandi rappara í hverjum þætti.

Einkalíf

Bergþór ólst upp í Reykjavík og gekk í Hagaskóla. Seinna gekk hann í Verzlunarskóla Íslands og tók virkan þátt í félagslífinu þar og starfaði í 12:00 sem er nefnd innan Versló. Bergþór er bróðir Snorra Mássonar, fréttamanns á Stöð 2.