Gúrka

Gúrka
	; Gúrka er klifurjurt
Vísindaleg flokkun
Ríki:	Jurtaríki (Plantae);
(óraðað):	Dulfrævingar (Angiosperms);
(óraðað)	Eudicots;
(óraðað)	Rosids;
Ættbálkur:	Cucurbitales;
Ætt:	Graskersætt (Cucurbitaceae);
Ættkvísl:	Cucumis;
Tegund:	C. sativus;
Tvínefni
	Cucumis sativus; L.

Gúrka eða agúrka (fræðiheiti: Cucumis sativus) er jurt í graskersætt sem er oft ræktuð. Jurtin er klifurjurt sem ber sívalan grænan ávöxt. Jurtin á rætur að rekja til Indlands en er nú ræktuð víða um heiminn. Til eru mörg afbrigði af gúrku.

Uppruni orðsins

Orðið á rætur sínar að rekja til síð-gríska orðsins angoúrion (vatnsmelóna). Það orð varð í slavneskum málum ogurk sem í suður-þýsku varð agúrka. Orðið gúrka er stytting á agúrka. Báðar útgáfur orðsins voru til í dönsku og náðu þaðan til Íslands. Í dag er agurk algengari útgáfan í dönsku, en Gurke algengara í þýsku.^[1]

Saga

Í Tímariti Hins íslenska bókmenntafélags árið 1890 lýsir garðyrkjufrömuðurinn Hans. J. G. Schierbeck landlæknir tilraunum sínum til gúrkuræktar fáeinum árum fyrr.^[2] Eru það mögulega fyrstu tilraunir til ræktunar á gúrku á Íslandi.