Abu Bakr al-Baghdadi

Úr Wikipediu, frjálsa alfræðiritinu
Jump to navigation Jump to search
Mynd af al-Baghdadi í fangabúðunum Camp Bucca í Írak árið 2004.

Abū Bakr al-Baghdadi (arabíska: أبو بكر البغدادي; fæddur undir nafninu Ibrahim Awad Ibrahim al-Badri[1][2][3] إبراهيم عواد إبراهيم علي محمد البدري السامرائي árið 1971) er leiðtogi salafíska vígahópsins íslamska ríkisins.[4] Bandaríkin, Evrópusambandið og flest stök ríki líta á samtökin sem hryðjuverkahóp og á al-Baghdadi sem hryðjuverkaleiðtoga.[4] Í júní árið 2014 kaus ráðgjafarráð samtakanna (Majlis-ash-Shura) að viðurkenna al-Baghdadi sem kalífa íslamska ríkisins.[5]

Margt er á huldu um fortíð al-Baghdadi og sem leiðtogi hryðjuverkahópsins birtist hann mjög sjaldan opinberlega. Talið er að hann hafi útskrifast með doktorsgráðu í íslömskum fræðum úr Saddam-háskólanum í Bagdad.[6][7] Vegna leyndarinnar sem hvílir yfir al-Baghdadi er hann stundum kallaður „sjeikinn ósýnilegi“.[8] Hann vakti mikla athygli árið 2014 þegar myndband var birt af honum að predika í al-Nuri-moskunni í Mósúl í Ramadan-mánuði, stuttu eftir að íslamska ríkið hafði hertekið borgina. Í myndbandinu lýsti al-Baghdadi sjálfan sig trúarleiðtoga allra múslima heimsins og kallaði eftir stuðningi múslima um allan heim.[9]

Að þessu myndbandi undanskyldu hefur al-Baghdadi aðallega látið á sér bera í hljóðupptökum til stuðningsmanna sinna. Tilkynningar og orðrómar hafa oft borist um að al-Baghdadi sé látinn eða illa særður en erfitt er að staðfesta þessa orðróma. Síðast sást al-Baghdadi í myndbandi sem birt var í lok apríl árið 2019. Myndbandið birtist eftir að Íslamska ríkið hafði glatað nær öllu landsvæði sínu í Sýrlandi og Írak en í því hét hryðjuverkaleiðtoginn áframhaldandi baráttu gegn vesturlöndum.[10]

Frá árinu 2016 hefur utanríkisráðuneyti Bandaríkjanna lofað 25 milljóna dollara verðlaunafé hverjum þeim sem býr yfir upplýsingum sem gætu leitt til handtöku eða dauða al-Baghdadi.[5][11]

Tilvísanir[breyta | breyta frumkóða]

  1. Rubin, Alissa J. 5. júlí 2014, „Militant Leader in Rare Appearance in Iraq". The New York Times. Skoðað 7. október 2014.
  2. „Profile: Abu Bakr al-Baghdadi". . (BBC News). 5. júlí 2014. Skoðað 20. júlí 2014.
  3. „ISIS Spokesman Declares Caliphate, Rebrands Group as "Islamic State". SITE Institute. 29. júní 2014. Sótt 7. október 2014.
  4. 4,0 4,1 Rewards for JusticeInformation that brings to justice… Abu Bakr al-Baghdadi Up to $25 Million Reward Skoðað 7. október 2018.
  5. 5,0 5,1 „Terrorist Designations of Groups Operating in Syria". . (United States Department of State). 14. maí 2014. Skoðað 13. júní 2014.
  6. „U.S. Actions in Iraq Fueled Rise of a Rebel". The New York Times. 10. ágúst 2014. Skoðað 23. desember 2014.
  7. „The Believer". The Brookings Essay.
  8. Crompton, Paul 30. júní 2014, „The rise of the new 'caliph,' ISIS chief Abu Bakr al-Baghdadi". Al Arabiya News. Skoðað 24. febrúar 2015.
  9. „ISIS leader calls for global Muslim obedience". Middle East Star. 5. júlí 2014. Skoðað 7. október 2018.
  10. „Bag­hda­di í mynd­bandi Rík­is íslams“. mbl.is. 29. apríl 2019. Sótt 2. maí 2019.
  11. „Terrorist Designation of Ibrahim Awwad Ibrahim Ali al-Badri". . (United States Department of State). 4. október 2011. Geymt frá upphaflegu greininni 8. október 2011. Skoðað 7. október 2018.