Abd al-Fattah as-Sisi

Úr Wikipediu, frjálsa alfræðiritinu
Stökkva á: flakk, leita
Abd al-Fattah as-Sisi

Abdel Fattah Saeed Hussein Khalil el-Sisi (عبد الفتاح سعيد حسين خليل السيسي á arabísku) (f. 19. nóvember 1954) er sjötti og núverandi forseti Egyptalands, í embætti frá árinu 2014.

Sisi fæddist í Kaíró og var staðsettur sem hermaður í Sádi Arabíu eftir að hafa gengið í herinn. Hann stundaði hernám í herstjórnarskóla Egyptalands og frá árinu 1992 í herstjórnarháskólanum í Watchfield, Oxfordshire í Bretlandi. Árið 2006 hlaut hann þjálfun í stríðsháskóla Bandaríkjanna í Carlisle, Pennsylvaníu. Eftir egypsku byltinguna árið 2011 og kjör Mohameds Morsi til forseta var Sisi útnefndur varnarmálaráðherra þann 12. ágúst 2012.

Sem varnarmálaráðherra og yfirforingi egypska hersins tók Sisi þátt í valdaráni gegn Morsi þann 3. júlí árið 2013 í kjölfar fjöldamótmæla gegn forsetanum. Hann leysti upp stjórnarskrá ársins 2012 og lagði fram tillögu ásamt höfuðpaurum stjórnarandstöðunnar og helstu trúarleiðtoga um að kosið yrði um nýja stjórnarskrá, nýtt þing og nýjan forseta. Morsi var leystur af hólmi af bráðabirgðastjórn sem hófst síðan handa við að uppræta Múslimabræðralagið sem Morsi tilheyrði og íslamista sem studdu það. Síðan sneri stjórnin sér að því að berja niður frjálslynda andstæðinga ríkisstjórnarinnar. Þann 13. ágúst 2013 drap egypska lögreglan hundruð almennra borgara og særði þúsundir í hinu svokallaða „Rabaa-blóðbaði“.[1]

Þann 26. mars 2014 hætti Sisi hernaðarferli sínum og lýsti því yfir að hann myndi gefa kost á sér í egypsku forsetakosningunum sama ár.[2] Kosningarnar fóru fram frá 26. til 28. maí á milli Sisi og eins mótframbjóðanda, Hamdeen Sabahi.[3] Sisi hlaut afburðasigur með um 97% atkvæða og þátttöku um 47% kjósenda.[3][4][5] Sisi tók við forsetaembætti þann 8. júní 2014. Ríkisstjórn Sisi hefur veitt egypska hernum ótakmörkuð völd[6] og því líta margir á Sisi sem einræðisherra.[6][7]

Tilvísanir[breyta | breyta frumkóða]

  1. Bowen, Jeremy 29 May 2014, „Egypt election: Sisi secures landslide win". . (BBC News). Skoðað 31 August 2015.
  2. „Egypt's El-Sisi bids military farewell, says he will run for presidency". . (Ahram Online). 26 March 2014. Skoðað 26 March 2014.
  3. 3,0 3,1 „Egypt election: Sisi secures landslide win". . (BBC). 29 May 2014. Skoðað 29 July 2014.
  4. „Former army chief scores landslide victory in Egypt presidential polls". The Guardian. Skoðað 29 May 2014.
  5. „Egypt's Sisi set for landslide win in presidential vote". . France24. 29 May 2014. Skoðað 2 June 2014.
  6. 6,0 6,1 Cambanis, Thanassis 22 May 2015, „Egypt’s Sisi Is Getting Pretty Good … at Being a Dictator". Foreign Policy. Skoðað 25. júlí 2017.
  7. Giglio, Mike; Dickey, Christopher; Atef, Maged og Jones, Sophia 16 August 2013, „The Anonymous Dictator". Newsweek Global. 161 (29) ISSN 0028-9604 Skoðað 25 July 2015. — um EBSCOhost