1317

Árið 1317 (MCCCXVII í rómverskum tölum) var 17. ár 14. aldar og almennt ár sem hófst á laugardegi samkvæmt júlíska tímatalinu.

Á Íslandi

Gissur galli Björnsson frá Víðidalstungu var með Hákoni konungi hálegg í hernaði í Svíþjóð, særðist þar, var handtekinn og sat lengi í myrkrastofu.
Ný kirkja vígð á Ingjaldshóli undir Jökli vegna mikillar mannfjölgunar þar í tengslum v9ð aukna útgerð og skreiðarverkun til útflutnings.
Auðunn rauði Hólabiskup setti Þóri Haraldsson ábóta í Munkaþverárklaustri úr embætti.

9. janúar - Filippus 5. og Jóhanna af Búrgund krýnd konungur og drottning Frakklands í Reims.
Votviðriskaflanum sem olli Hungursneyðinni miklu lýkur um vorið.
10.-11. desember - Birgir Magnússon hélt gestaboðið í Nyköping, þar sem hann tók bræður sína, Eirík og Valdimar, til fanga og varpaði þeim í dýflissu þar sem þeir létust á útmánuðum 1318.