Þórðarhöfði
| Þórðarhöfði | |
|---|---|
 Horft til suðurs á Þórðarhöfða frá Lónkoti. | |
| Hæð | 202 metri |
| Land | Ísland |
| Sveitarfélag | Sveitarfélagið Skagafjörður |
 | |
| Hnit | 65°57′40″N 19°29′23″V / 65.961101°N 19.489619°V |
| breyta upplýsingum | |
Þórðarhöfði á Höfðaströnd er 202 metra hár klettahöfði sem gengur út í austanverðan Skagafjörð, rétt norðan við Hofsós, og setur mikinn svip á umhverfi sitt. Tilsýndar virðist höfðinn vera eyja, en hann er landfastur; tvö lág eiði, Höfðamöl og Bæjarmöl, tengja hann við land. Á milli þeirra er 10 ferkílómetra stórt sjávarlón, Höfðavatn. Í því er ágæt bleikjuveiði. Snemma á 20. öld lagði Jóhann Sigurjónsson skáld til að gerð yrði hafskipahöfn í vatninu, en af því varð ekki.[1]
Þórðarhöfði er gömul eldfjallarúst. Afar fallegar stuðlabergsmyndanir eru í berginu en þær sjást best af sjó.
Tilvísanir
[breyta | breyta frumkóða]- ↑ Björn Jónsson í Bæ (1970). „Jóhann Sigurjónsson og hugmyndin um hafnargerð við Höfðavatn“. Lesbók Morgunblaðsins. 46 (7): 1–2.