Íbúfen

Úr Wikipediu, frjálsa alfræðiritinu
Stökkva á: flakk, leita
Efnasamsetning íbúfens

Íbúfen er bólgueyðandi lyf notað til að meðhöndla verki, hitasótt og bólgu. Íbúfen má nota við liðagigt, slitgigt, tíðaverkjum, tannpínu, höfuðverk og mígrena.[1] Íbúfen má gefa í töfluformi, sem míxtúru eða beint í æð. Verkunartími íbúfens er u.þ.b. korter við hausverki en getur verið allt að viku við gigt.[1] Á Íslandi jafnt sem í öðrum löndum er íbúfen fáanlegt án lyfjaseðils.[2]

Aukaverkanir íbúfens eru meðal annars brjóstsviði og útbrot. Íbúfen eykur líkurnar á hjartabilun, nýrnabilun og lifrarbilun. Í litlum skömmtum virðist íbúfen ekki auka líkurnar á hjartaáfalli en áhættan er meiri með stærri skammta. Einnig getur íbúfen gert astma verra. Óljóst er hvort óhætt sé að taka íbúfen snemma í meðgöngu en ekki er mælt með að taka það á seinustu mánuðum hennar.[1]

Íbúfen virkar með því að hamla framleiðslu á próstaglandínefnum með því að draga úr virkni ensímsins sýklóoxýgenasi. Stewart Adams uppgötvaði íbúfen árið 1961 en kom fyrst á markaðinn í Bretlandi árið 1969. Íbúfen var skráð á Íslandi árið 1972.[1] Íbúfen er grunnlyf samvkvæmt Alþjóðaheilbrigðismálastofnuninni: lyf sem hefur mest áhrif og mest þörf er á í heilbrigðiskerfinu. Íbúfen er samheitalyf en það kostar milli 0,01 og 0,04 USD að framleiða í þróunarlöndum.

Heimildir[breyta | breyta frumkóða]

  1. 1,0 1,1 1,2 1,3 „Íbúfen“. Lyfja, skoðað þann 9. maí 2017.
  2. „Actavis - Íbúfen - bólgueyðandi - verkjastillandi“, skoðað þann 9. maí 2017.